Амо Бекназаров

Амо Бекназаров
арманӣ. Համո Բեկնազարյան
Таърихи таваллуд:	31 май 1892(1892-05-31)
Зодгоҳ:	Ереван, Русияи подшоҳӣ
Таърихи даргузашт	27 апрел 1965(1965-04-27) (72 сол)
Маҳалли марг:	Маскав, ИҶШС
Шаҳрвандӣ:	Русияи подшоҳӣ  ИҶШС
Касб:	коргардони филм, ҳунарпешаи синамо, филмноманавис, нависанда
Корнома:	аз 1914
Самт:	live action[d]
Ҷоизаҳо:
IMDb:	ID 0067384
Парвандаҳо дар Викианбор

Бекназаров Амо Иванович (номи хонаводагии ҳақиқӣ — Бекназарян; арманӣ. Համո Բեկնազարյան; 1891—1965) — ҳунарпеша ва коргардони синамо, филмноманависи арманӣ, Ҳунарпешаи мардумии Арманистон (1935).

Эҷодиёт

Чун ҳунарпеша Бекназаров солҳои 1914—1921 дар филмҳои коргардонҳои рус асосан нақши аъёну ашроф ва «ошиқи салонӣ»-ро бозида, барои ташкил ва инкишофи кино дар Гурҷистон, Арманистон ва Озарбойҷон саҳми калон гузоштааст. Коргардони аввалин филмҳои бадеӣ дар киностудияи навтаъсиси Арманистон, Гурҷистон ва Озарбойҷон. Солҳои 1932—1935 дар киностудияи «Востоккино»-и Русия фаъолият намуда, аз ҳаёти мардуми Шарқи Дур филмҳо мебардорад. Беҳтарин филмҳои таҳиякардаи Бекназаров: «Падаркуш», «Ганҷи гумшуда», «Севил», «Игденбу», «Пэпо», «Зангизанбӯр», «Давидбек» ва ғайра.

Муаллифи биёр сенарияҳост, ки худ филмбардорӣ кардааст ё дигар коргардонҳо ба навор бардоштаанд. Дар филмҳояш асосан аз рӯзгори пешин ва ҳаёти муосири халқҳои Қафқоз образҳои барҷастаи инсонӣ таҷассум сохтааст. Бекназаров бо «Тоҷикфилм» ҳамкорӣ намуда, филми ҳуҷҷатии «Субтропикҳои Осиёи Миёна» (1953) ва филми бадеии «Насриддин дар Хуҷанд»-ро (1959, бо ҳамроҳии реж. Э. Карамян) таҳия кардааст.

Киностудияи «Арманфилм» соли 1966 ба номи Бекназарян гузошта шудааст.

Ҷоизаву орденҳо

Дорандаи Мукофоти давлатии СССР (1941). Бо орденҳои Байрақи Сурхи Меҳнат, «Нишони Фахрӣ», «Ситораи Сурх» сарфароз гардидааст.

Сарчашма

• Бекназаров Амо Иванович // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.