Бобурнома

Аз Википедиа
Ҷаҳиш ба: новбари, Ҷустуҷӯи
Ба ин мақола дигар саҳифаҳои мақолаҳои Википедиа пайваст нестанд.
Лутфан, аз ҷустуҷӯ истифода баред ва пайвандеро аз рӯи қоидаҳои кабулшуда гузоред.

Бобурнома, асари ҳолномавии таърихию бадеии шоир ва донишманди асримиёнагӣ, амири сулолаи темуриён Заҳируддини Муҳаммад Бобур. Муаллиф 14.02.1483 дар Андиҷон ба дунё омада ва 26.12.1530 дар Аграи Ҳиндустон фавтидааст. Қабраш дар Кобул воқест. Соли таълифи асари мазкур 1525-1530. Воқеоти солҳои 1493-1530-юми дар Мовароуннаҳр, Хуросон, Афғонистону Ҳиндустон рух дода, аз ҷумла аз тарафи шайбониён барҳам хӯрдани давлати темуриён, барпо гаштани ҳокимияти темуриёни Ҳинд (1504-1526) дар он тасвир ёфтаанд. Бобур зимни тасвири воқеаҳои таърихӣ дар бораи табиат, иқлим, наботот, ҳайвонот, касбу ҳунар, урфу одат ва гурeҳҳои этникии аҳолии Мовароуннаҳру Хуросон, Ҳиндустону Афғонистони охирҳои асри ХVI ва ибтидои а. ХVII низ маълумот медиҳад. Бобур пас аз шикаст хӯрдан аз Муҳаммади Шайбонихон с. 1503 ба Исфара меояд ва қариб як сол дар ин ҷо мемонад. Ў дар ғарбу ҷанубии Марғилон, дар кӯҳпоя воқеъ будани Исфара, обҳои мусаффою равон ва фузунии боғҳои бодомро зикр намудааст. Аҳолии Исфараро пурра ғайритурк (сорт), яне тоҷик, кӯҳистонӣ дидааст. Вилояти Исфараро аз чаҳор қисм–Исфара, Ворух, Сӯх ва Ҳушёр иборат медонад. Инчунин дар бораи санги оина, ки дар он ҳар чиз инъикос меёбад, нақл мекунад.