Гулрухсор Сафиева

Аз Википедиа
Ҷаҳиш ба: новбари, Ҷустуҷӯи
Гулрухсор Сафиева
Гулрухсор Сафиева
Гулрухсор Сафиева.jpg
Зодрӯз 17 декабр соли 1947
Зодгоҳ деҳаи Яхчи водии Рашт
Вазифа шоира,нависанда, рӯзноманигор, драматург, тарҷумон

Гулрухсор Сафиева - (17 декабр, соли 1947) шоира, нависанда, рӯзноманигор, драматург, тарҷумон, Узв ва Котиби раёсати Иттифоқи нависандагони Тоҷикистон, Шоири халқии Тоҷикистон (1999). Дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ (2003)

Зиндагинома[вироиш]

Гулрухсор Сафиева дар деҳаи Яхчи водии Рашт ба дунё омадааст. Соли 1968 факултети филологияи Университети давлатии Тоҷикистонро хатм кардааст. Дар рӯзномаву маҷаллаҳои гуногун хамчун рӯзноманигор ва сардабир фаъолият намудааст. Ба ҳайси мухбири рӯзномаи «Комсомоли Тоҷикистон» (1968-1969), мудири бахши фарҳанг ва матбуоти Кумитаи марказии Комсомоли ленинии ҶШС Тоҷикистон (1969-1970), сармуҳаррири рӯзномаи «Пионери Тоҷикистон» ва маҷаллаи «Машъал» (1970-1972), сармуҳаррири рӯзномаи «Пионери Тоҷикистон» (1970-1981), раиси хазинаи маданияти Тоҷикистон( 1987- 1993) иҷрои вазифа кардааст. Ӯ Котиби Иттифоқи нависандагони Тоҷикистон, Узви Асотсиатсияи нависандагони Осиё ва Африко, Раиси Хазинаи байналмилалии фарҳанги Тоҷикистон, Вакили Совети Олии СССР (1989-1991). Пезиденти Академияи байналмилалии фарҳанги ЕвроОсиё (1994 - 2004,Русия) ва диг. буд.

Эҷодиёт[вироиш]

Асарҳои Гулрухсор Сафиева (назму наср ва илм) ба забонҳои гуногуни халқҳои Иттиҳоди Шӯравӣ ва мамолики ҷаҳон нашр шудааст. Ӯ авввалин нависандаи роман дар бораи зани тоҷик, дар давлатҳои Осиёи Миёна ва Тоҷикистон мебошад. Гулрухсор дар таҳқиқи фолклори водии Рашт саҳми арзандае гузоштааст. Аввалин шеъраш «Баҳор» 1962 унвон дошт. Шеъри ин шоираи наврас «Тоҷикистон» ҳамон сол дар рӯзномаи ноҳиявии Ғарм «Қаротегини советӣ» чоп шуд ва минбаъд масири ӯро дар гуфтани ашъори ватанпарварона муайян кард. Аввалин маҷмӯаи шеъриаш «Бунафша» соли 1970 бо дуои устод Мирзо Турсунзода ва пешгуфтори устод Боқӣ Раҳимзода ба дасти мухлисонаш расид. Ин маҷмӯа аз шоири ҷавону ояндадор будани Гулрухсор ба ворисони шеъри ноб мужда медод. Сонитар таровишҳои хомааш тавассути китобҳои «Хонаи падар» (1973), «Шабдарав» (1975),«Афсонаи кӯҳӣ» (1975), «Дунёи дил» (1977), «Ихлос» (1980), «Оташи Суғд» (1981), «Гаҳвораи сабз» (1984, бо ҳуруфи форсӣ), «Сипар» (1984, бо ҳуруфи форсӣ) «Оинаи рӯз» (1984), «Шабнам» (1986), «Рӯҳи Бохтар» (1987), «Қасидаи кўҳистон» (1988), «Тахти сангин» (1992), «Зодрӯзи дард» (1995), «Дар паноҳи сояи худ» (1998), «Рӯзномаи берўз» (2000), «Зан ва ҷанг» (2000, 2004, 2013), «Девон» (2004), «Биҳишти хобҳо» (2004), «Девон» (2006), «Сад барги ғазал» (2007), «Ҷовидона» (2009) «Шӯъла дар санг» 2011, «Таронаи Ватан» 2012, ба нашр расид. Маҷмӯаи нави шеърҳояш бо номи «Дигар ишќ» зери нашр аст. Дар Ирон ҳашт ктитоби шеъру насри Гулрухсор дар интишороти гуногун нашр шуда, намунаи ашъори шоир дар китобҳои дарсии ин мамлакати дӯст омӯхта мешавад.[1]

Осор[вироиш]

  • 1. Бунафша. - Душанбе: Ирфон, 1970.- 46 с.
  • 2. Хонаи падар: Маҷмӯаи шеърҳо. - Душанбе: Ирфон, 1973.- 80 с.
  • 3. Шабдарав: Шеърҳо. - Душанбе: Ирфон, 1975. - 64 с.
  • 4. Афсонаи кӯҳӣ. - Душанбе: Маориф, 1975.-32 с.
  • 5. Дунёи дил: Маҷмӯаи шеърҳо. - Душанбе: Ирфон, 1977.- 191 с.
  • 6. Ихлос: Шеърҳо. - Душанбе: Маориф, 1981.- 128 с.
  • 7. Оташи Суғд : Китоби шеърҳои нав.-Душанбе: Ирфон, 1981.- 160 с.
  • 8. Оинаи рӯз.- Душанбе: Ирфон, 1984.- 176 с.
  • 9. Гаҳвораи сабз. - Душанбе,1984 (бо ҳуруфи форсӣ),
  • 10. Сипар. - Душанбе,1984 (бо ҳуруфи форсӣ),
  • 11 Шабнам: Шеърҳо. - Душанбе: Ирфон, 1986.-63 с.
  • 12 Рӯҳи Бохтар: Шеърҳо ва достонҳо. - Душанбе: Адиб, 1987.- 400 с.
  • 13. Қасидаи кӯҳистон: Маҷмӯаи шеърҳо. - Душанбе: Адиб,1988.-240 с.
  • 14. Занони Сабзбаҳор: Роман. - Душанбе: Адиб, 1990.- 320 с.
  • 15. Тахти сангин. - Душанбе: Адиб, 1992. - 160 с.
  • 16. Зодрӯзи дард: Маҷмӯаи шеърҳои нав.- Москва: Манзума, 1994.-128 с.
  • 17. Зан ва ҷанг: Маҷмӯа. - Душанбе: Матбуот, 2001.- 200 с.
  • 18. Девон: Девони ишқу ханда. - Душанбе: Пайванд, 2004.- 958 с.
  • 19. Сад барги ғазал. - Душанбе,2007,
  • 20. Ҷовидона. - Душанбе,2009)
  • 21. Шӯъла дар санг. - Душанбе: Адиб, 2011.- 384 с.
  • 22. Таронаи Ватан: Шеърҳо.- Душанбе: ТҶБ Истиқбол, 2012.- 90 с.[2]

Мукофоту ҷоизаҳо[вироиш]


Манобеъ[вироиш]

  1. ЗИНДАГИНОМАИ ГУЛРУХСОР
  2. Гулбаргҳои меҳр: Маълумотномаи библиографӣ барои синни миёна ва калони мактабӣ./Мураттибон: Авғонов Қурбон, Юсупова Муҳаббат; Муҳаррир Шаҳрия Адҳамзод. - Душанбе, 2013, - с. 34

Пайвандҳои беруна[вироиш]