Карикатура

Аз Википедиа
Ҷаҳиш ба: новбари, Ҷустуҷӯи
Ба ин мақола дигар саҳифаҳои мақолаҳои Википедиа пайваст нестанд.
Лутфан, аз ҷустуҷӯ истифода баред ва пайвандеро аз рӯи қоидаҳои кабулшуда гузоред.

Карикатура (итал. саriсаге-муҳобот), тасвире, ки ҷиҳатҳои манфии объектро бо мақсади ҳаҷв намудан ва фош кардан, қасдан ё мазҳакаомез аз будааш зиёдтар нишон медиҳад; жанри санъати тасвирӣ; рассоми ва ҳайкалтарошӣ)-ро ба кор мебарад. Карикатураро дар мавзӯъҳои иҷтимоӣ, сиёсӣ ё маишӣ офарида, ба он матни мухтасари пурмазмун илова мекунанд. Унсурҳои Карикатура дар боқимондаҳои папирусҳои Мисри Қадим, осори ҳайкалтарошӣ ва зарфҳои мусаввари Юнон, фрескаҳои Рими Қадим, муҷассамаҳои ороишии маъбадҳои асрҳои миёна ва минётури китобҳо вомехӯранд. Литография барои ривоҷёбии карикатура имкон дод ва баробари пайдоиши рӯзномаю маҷаллаҳо карикатура ба воситаи тавонои пропаганда табдил ёфт. Инкишофи карикатура бо муборизаҳои шадиди таърихӣ барои озодии миллӣ ва синфи алоқаи мустаҳкам дорад. Дар пешравӣ ва инкишофи карикатура хизмати рассомон У. Хогарт, Ҷ. Гилрей (Англия), Ф. Гойя (Испания) ва дигарон шӯҳрати ҷаҳонӣ доранд. Барои ташаккул ва инкишофи карикатура дар Тоҷикистон маҷаллаҳои ҳаҷвии «Машраб», «Мулло Мушфиқӣ», «Бигиз», «Ширинкор», «Мушфиқӣ» (солҳои 20—30-юм), «Оинаи ТоҷикТА» (дар солҳои Ҷанги Бузурги Ватанӣ), «Хорпуштак» (аз солҳои баъдиҷангӣ) ҳиссаи калон гузоштаанд. Карикатуранигорони тоҷик X. Расулов, П. Гейвандов, Б. Протасов, Д. Сафоев ва дигирон дар асарҳои худ ҷиҳатҳои манфӣ ва зарарнокн ҷамъиятиро маҳкум ва фош мекарданд.

Нигаред[вироиш]


Мақола дар асоси маводҳои Энциклопедияи Советии Тоҷик навишта шудааст.