Абдулло Назрӣ

Мавод аз Википедиа — донишномаи озод
Jump to navigation Jump to search
Абдулло Назрӣ
Абдуллоҳ Назрӣ.jpg
Иттилооти асосӣ
Санаи таваллуд

20 сентябр 1930(1930-09-20)

Зодгоҳ
Санаи марг

5 март 2006(2006-03-05) (75 сол)

Маҳалли марг
Кишвар
Касб(ҳо)

овозхон, омӯзгор

Асбоб

вокал[d]

Ҷоизаҳо

Абдуллоҳи Назрӣ (20 сентябри 1930, ноҳияи Дарвоз — 5 марти 2006, Душанбе) — сарояндаи тоҷик, Ҳофизи халқии ҶШС Тоҷикистон (1955).

Зиндагинома[вироиш]

Абдуллоҳи Назрӣ 20 сентябри соли 1930 дар ноҳияи Дарвоз ба дунё омадааст ва аз пайравони мактаби хонандагии Акашариф Ҷӯраев маҳсуб мешуд.

Ӯ ҳанӯз соли 1954 аз Дарвоз ба Душанбе даъват шуд ва ҳамагӣ 3 сол баъд, дар синни хеле ҷавони 27-солагӣ сазовори унвони фахрии Ҳофизи халқии ҶШС Тоҷикистон шуд. Аз соли 1963 ба ансамбли шӯҳратёри «Шашмақом» пайваст ва то охири ҳаёт дар он фаъолият дошт.

Абдулло Назрӣ 5 марти соли 2006 дар сини 76-солагӣ бар асари беморӣ ва хунрезии мағзӣ даргузашт[1].

Фаъолияти эҷодӣ[вироиш]

Шогирди Акашариф Ҷӯраев. Яккахони ансамбли тарона ва рақси Филармонияи давлатии Тоҷикистон (1946-64). Яккахони коллективҳои мусиқии Кумитаи давлатии ҶШС Тоҷикистон оид ба телевизион ва радиошунавонӣ (аз 1965). Иҷрокунандаи осори мусиқии мардумӣ («Нигорам», «Сиёҳчашм», «Дилбари ман», «Санам», «Мустазод», «Мискин» ва ғайра), муаллифи сурудҳои зиёд («Асри ман», «Халқи бузургворам», «Меҳри Ватан» ва ғайра) ва сюитаҳои рақсӣ («Таронаҳои меҳнат», «Биё ёрам», «Мурғи саҳар», «Шашзарб» ва ғайра). Чанд шогирди боистеъдод тарбия кардааст (Исмоил Назриев, Давлат Назрӣ, Н. Суфиев ва дигарон). Иштирокдори симпозиумҳои байналмилалии мусиқӣ (Самарқанд, 1978, 1983, 1987). Ба ҷамоҳири собиқ Иттиҳоди Шӯравӣ ва мамлакатҳои хориҷӣ сафарҳои ҳунарӣ кардааст.

Ҷоизаҳо ва мукофот[вироиш]

Бо ордени «Нишони Фахрӣ», медалҳо ва Грамотаҳои Фахрии Президиуми Шӯрои Олии ҶШС Тоҷикистон сарфароз гаштааст.

Эзоҳ[вироиш]

  1. Даргузашти овозхони маъруф Абдулло Назрӣ. Радиои Озодӣ. 20 сентябри 2017 санҷида шуд.

Видео[вироиш]

Пайвандҳо[вироиш]