Абдуқаюм Қодиров

Мавод аз Википедиа — донишномаи озод
Jump to navigation Jump to search
Абдуқаюм Қодиров
Абдуқаюм Қодиров
Таърихи таваллуд: 30 ноябр 1923(1923-11-30)
Зодгоҳ: Хуҷанд, ҶШС Тоҷикистон, ИҶШС
Таърихи даргузашт: 13 апрел 1988(1988-04-13) (64 сол)
Маҳалли даргузашт: Душанбе
Кишвар:  Тоҷикистон
Фазои илмӣ: педагогика
Ҷойҳои кор: Донишкадаи омӯзгории шаҳри Бухоро, Донишгоҳи давлатии омӯзгории Тоҷикистон ба номи Садриддин Айнӣ
Дараҷаи илмӣ: номзади илмҳои педагогика
Унвонҳои илмӣ: дотсент
Алма-матер: Донишкадаи давлатии омӯзгории шаҳри Душанбе ба номи Т. Г. Шевченко
Ҷоизаҳо: «Аълочии маорифи халқи Тоҷикистон», нишони «Муваффақиятҳои аъло дар кор», медали «Барои меҳнати шоён»

Абдуқаюм Қодиров (30 ноябри 1923, Хуҷанд — 13 апрели 1988, Душанбе) — риёзидон ва омӯзгор, номзади илмҳои педагогӣ (1968), дотсент (1971).

Зиндагинома[вироиш]

Солҳои 1941—1946 ҳамчун мудири қисми таълими мактаби ибтидоӣ, директори мактаби ибтидоӣ ва мудири маорифи ноҳияи Ромит кор кардааст. Солҳои 1946—1949 дар факултети физика-математикаи Донишкадаи давлатии омӯзгории шаҳри Сталинобод ба номи Т. Г. Шевченко таҳсил намудааст. Аз соли 1949 то охири ҳаёташ аз вазифаи ассистент то ба дотсенти кафедраи методикаи таълими математика дар донишкадаи омӯзгории пойтахт фаъолият кардааст. Солҳои 1970—1971 вазифаи декани факултети математика, 1971—1977, 1982—1988 мудири кафедраи методикаи таълими математика, мудири кафедраи синфҳои ибтидоӣ, раиси Кумитаи иттифоқи касабаи донишкадаи омӯзгориро дар Донишкадаи давлатии омӯзгории шаҳри Душанбе ба номи Т. Г. Шевченко ба ӯҳда дошт. Ҳамчун олими соҳаи таърихи математика оид ба назария ва амалияи тақсими мерос чун яке аз сарчашмаҳои рушди дониши математикӣ дар Шарқи Миёна ва Наздик кори илмӣ бурдааст. То охири умр ба таҳияи китоби «Инкишофи математика дар Осиёи Марказӣ» машғул буд, аммо марг имкон надод онро ба охир расонад. Муаллифи якчанд асару мақолаҳои илмӣ ва илмию методӣ мебошад. Бо нишони сарисинагии «Аълочии маорифи халқи Тоҷикистон», нишони «Муваффақиятҳои аъло дар кор», медали «Барои меҳнати шоён», ифтихорномаҳои Раёсати Шӯрои Олии ҶШС Тоҷикистон ва Вазорати маорифи ҶШС Тоҷикистон сарфароз карда шудааст.

Осор[вироиш]

  • Аз таърихи инкишофи математикаи Осиёи Марказӣ (асрҳои IX—XV), Д., 2004;
  • Назария ва амалияи тақсими мерос ҳамчун манбаи инкишофи математика дар Шарқи Наздик ва Осиёи Марказӣ //Вопросы истории и методики элементарной математики. Вып. 3, Д., 1967;
  • Ҳалли муодилаҳои номуайяни ас-Саҷовандӣ // Мактаби советӣ, № 12, 1968;
  • Дар бораи арифметикаи ас-Саҷовандӣ // Мактаби советӣ, № 12, 1969; Нисбат ва таносуб // Мактаби советӣ, № 8, 1973.

Эзоҳ[вироиш]

Пайвандҳо[вироиш]