Абусаиди Гургонӣ
| Навъи фаъолият: | шоир |
|---|---|
Абусаиди Гургонӣ (соли таваллуд ва вафот номаълум) — шоири форс-тоҷик (асри 12).
Ашъор[вироиш | вироиши манбаъ]
Ҷузъиёти тарҷумаи ҳолаш маълум нагардидааст. Аз ашъори боқимондааш бармеояд, ки ӯ дар онҳо андешаву матлабҳои иҷтимоӣ-сиёсӣ, танқиди зулму золимӣ, мубориза ба муқобили бемаърифативу мардумозории баъзе аъёну ашроф инъикос ёфтаанд. Мувофиқи маълумоти сарчашмаҳои адабӣ дар эҷоди навъҳои шеър — маснавӣ, қасида, ғазал, рубоӣ, қитъаҳо ва ғайра маҳорати хос доштааст. Намунаҳои ашъораш дар тазкираву баёзҳо оварда шудаанд. Абёти зерин аз ӯст:
- Он қавм, ки эшон раҳи аҳрор супурданд,
- Аҳволи ҷаҳон ботилу бозича шумурданд.
- Меҳнатзадагонро ба карам даст гирифтанд,
- Чун даст гирифтанд, бар он пой фишурданд.
- Эшон ҳама рафтанду ҷаҳон ҷумла ба муште
- З-ин нокасу номардуму номард супурданд…
- Қавме ҳама нокисаву навкиса, ки аз бухл,
- Номи карам аз номаи ҳастӣ бисутурданд…
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Абусаиди Гургонӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.