Адам Абдуллоҳ Усмон

Мавод аз Википедиа — донишномаи озод
Адам Абдуллоҳ Усмон
сумол. Aaden Cabdulle Cusmaan Daar
Aden Abdulle Osman Daar.jpg
Таваллуд 9 декабр 1908(1908-12-09)
Даргузашт 8 июн 2007(2007-06-08) (98 сол)
Ҳизб
Фаъолият сиёсат[1]
Эътиқод ислом ва суннӣ
Ҷоизаҳо
Knight Grand Cross with Collar of the Order of Merit of the Italian Republic Ордени Бавария «Барои хидматҳо»
Commons-logo.svg Парвандаҳо дар Викианбор

 

Адам Абдуллоҳ Усмон Даар ( сумол. Aaden Cabdulle Cusmaan Daar ар. آدم عبد الله عثمان دعر‎; 9 декабри 1908 - 8 июни 2007 ) — сиёсатмадори Сумолӣ, аввалин президенти Сумолӣ (1960-1967).

Зиндагинома[вироиш | вироиши манбаъ]

Адам Абдуллоҳ Усмон соли 1908 дар шаҳри Гуган дар нохияи Беледвейн дар оилаи чупони бодиянишин ба дунё омадааст. Соли 1922 ӯро барои таҳсил ба мактаби ибтидоии шахри Байдоа фиристоданд, баъд ба Могадишо кӯчида, соли 1931 мактаби миёнаро хатм кард. Аз соли 1931 бойтори калон, баъд коргари идора шуда кор кард.

Дар соли 1941, вақте ки Сумолии Итолиё аз ҷониби артиши Бритониё ишғол карда шуд, ӯ хидматро тарк карда, ба Беледвейн баргашт ва ба тиҷорат машғул шуд. Дар моҳи феврали соли 1944 Абдуллоҳ Усмон ба маҳфили сумолиҳои ҷавон дохил шуда, котиби генералии Комитети сиёсии маҳфил таъин шуд. Пас аз он ки маҳфил ба Лигаи ҷавонони Сумолӣ (ЛҶС) табдил ёфт, Абдуллоҳ Усмон аъзои комитаи маҳаллии ҳизб ва соли 1946 котиби шӯъбаи маҳаллии ЛҶС дар вилояти Беледвейн шуд. Дар соли 1951 вай ба Шӯрои ҳудудии Сумолӣ ҳамчун намояндаи ЛҶС таъин шуд ва дар солҳои 1953—1956 ҷонишини раиси Шӯрои ҳудудӣ буд. Дар баробари ин дар соли 1954 Абдуллоҳ Усмон президенти Лигаи ҷавонони Сумолӣ интихоб шуд ва дар соли 1958 боз ба ин вазифа интихоб шуд.

Солҳои 1956 ва 1959 вай аз вилояти Беледвейн ба Ассамблеяи қонунгузории Сумолӣ интихоб шуд ва аз соли 1956 раиси Ассамблеяи қонунгузор буд. Вай дар ин мақом то 1 июли соли 1960, замоне ки Сумолӣ истиқлолият ба даст овард ва Абдуллоҳ Усмон аввалин президенти ин кишвар интихоб шуд [2] .

Дар интихоботи соли 1967 вай аз рақиби худ Абдурашид Алӣ Шермарк мағлуб шуд. Хамин тавр, мухлати ваколати ӯ 10 июни соли 1967 ба охир расид.

Ӯ солҳои охири худро дар Ҷанале дар Сумалии Ҷанубӣ сипарӣ кард ва дар моҳи майи соли 2007 хабар дода шуд, кӣ ӯ вафот кардааст. Аммо, тавре ки баъдтар шарҳ дода шуд, ӯ дар беморхона дар ҳолати вазнин қарор дошт. Вай пас аз ду ҳафта дар Найробӣ 8 июни соли 2007 дар синни 98-солагӣ даргузашт.

Ҳукумати Сомалӣ 21 рӯз мотам эълон карда, маросими дафни давлатӣ эълон кард. Ба нишони эҳтиром ба фурудгоҳи байналмилалии Могадишо номи ӯ дода шуд.

Маълумот[вироиш | вироиши манбаъ]

  • Адам Абдуллоҳ Усмон яке аз дарозумртарин сарони давлатҳо ва ҳукуматҳои собиқи ҷаҳон буд.

Адабиёт[вироиш | вироиши манбаъ]

  • Аден Абдулла Осман (Люди и события) // Новое время. — М., 1960. — № 33. — С. 31.

Пайвандҳо[вироиш | вироиши манбаъ]

Эзоҳ[вироиш | вироиши манбаъ]