Академияи санъати театрии Русия

Мавод аз Википедиа — донишномаи озод
Jump to navigation Jump to search
Академияи санъати театрии Русия
(ГИТИС)
Бинои Донишгоҳ
Ректор

Григорий Анатольевич Заславский

Нишонии ҳуқуқӣ

 Русия, Москва, Малый Кисловский переулок, дом 6

Сайт

ОСайти расмии ГИТИС

Commons-logo.svg Аксҳо дар мавзуи дар Викианбор

Академи́яи санъа́ти театри́и Руси́я — бузургтарин мактаби олии таълимии санъати театрӣ дар Русия, ки соли 1991 дар заминаи Институти давлатии санъати театрии Москва ба номи А. В. Луначарский (ИДСТ) ташкил шудааст.

Сохтор[вироиш]

Дар 8 фак-ти Академияи санъати театрии Русия доир ба ҳамаи ихтисосҳои театрӣ мутахассис тайёр карда мешавад. Академияи санъати театрии Русия дорои магистратура ва аспирантура, аз ҷумла аспирантура оид ба ихтисоси эҷодӣ (ассисентура – коромӯзӣ) ва театри таълимии ИДСТ мебошад. Академияи санъати театрии Русия муассисаи таълимии беназир аст, чунки доир ба тамоми ҷанбаҳои маълумоти олии театрӣ факултетҳо дорад. Академияи санъати театрии Русия ҳам маълумоти олии гуманитарӣ ва ҳам маълумоти олии махсус медиҳад. Донишҷӯён имконият доранд, ки ҳанӯз ҳангоми таҳсил дар Академияи санъати театрии Русия бо режиссёрон, продюсерон, балетмейстерҳо, мунаққидон, стенографҳо, мудирон ва директорони театрҳо шинос шаванд ва бо онҳо робитаи эҷодӣ барқарор намоянд. Самаранокии таҳсили Академияи санъати театрии Русия дар он аст, ки коргоҳҳои эҷодиаш дар охири таҳсил қобилияти ташкили театрҳои мустақилро доранд (мас., коргоҳи О. Табаков, А. Василев дигарон).

Академияи санъати театрии Русия муассисаи таълимии мустақил аст. Он бо мактабҳои театрии Британияи Кабир (Ун-ти Мидлсекс, Мактаби мусиқӣ ва драмаи Лондон «Гилдхол», Мактаби театрӣ дар Гилдфорд), Франсия (Консерваторияи миллии санъати драмавӣ дар Париж, Мактаби олии миллии санъати театрӣ дар Лион), Голландия (Академияи театрӣ дар Амстердам), Германия (Маркази байналхалқии театрӣ дар Берлин), Исроил (Мактаби театрии «Бейт-Сви» дар Тел-Авив), Хитой (Академияи марказии драма дар Пекин), Чехия (Академияи мусиқӣ ва санъати драмавӣ дар Брно), Италия (Академияи санъати драмавии ба номи Силвио д Амико дар Рим), ШМА (ун-тҳои Колгейт ва Корнел), Барномаи интернатсионалии MA-MFA-Short courses (Лондон, Мадрид, Москва, Париж) ҳамкорӣ дорад. Устодону донишҷӯёни Академияи санъати театрии Русия дар фестивали мактабҳои байналхалқии театрӣ иштирок менамоянд. ИДСТ ташаббускори ҳар ду сол дар Москва гузарондани фестивали байналхалқии мактабҳои театрии «Подиум» мебошад. Дар Академияи санъати театрии Русия шакли таҳсил рӯзона ва ғоибона, мӯҳлати таҳсил 4 – 5 сол аст.

Эзоҳ[вироиш]

Сарчашма[вироиш]