Имораи Марвазӣ
| Шаҳрвандӣ (табаият): | |
|---|---|
| Навъи фаъолият: | шоир |
Абумансур Аммора ибни Муҳаммади Марвазӣ (форсӣ: عماره مروزی; ? — байни солҳои 1004-14) — шоири номдори охири аҳди Сомонӣ ва аввали давраи Ғазнавӣ.
Зиндагинома[вироиш | вироиши манбаъ]
Мувофиқи маълумоти маъхазҳои адабӣ, махсусан «Лубобу-л-албоб»-и Муҳаммад Авфии Бухороӣ Аммораи Марвазӣ шоири маъруфу машҳури давр буда, дар Марв зиндагӣ ва эҷод кардааст. Дар китобҳои оид ба илми шеър, луғатҳо (мас. «Луғати фурс») аз осори Аммораи Марвазӣ абёту порчаҳо оварда шудаанд. То имрӯз 80 байт аз эҷодиёташ дастрас аст. Дар «Лубобу-л-албоб» пора аз марсияи дар фавти охирин намояндаи сулолаи Сомониён — Мунтасир гуфтаи Аммораи Марвазӣ сабт гардидааст. Аз ашъори Аммораи Марвазӣ бармеояд, ки ӯ дар тасвир, васфи табиат, сурудани ашъори ошиқона, васфи маю шароб, панду андарз додан, даъват ба ахлоқи ҳамида ва ғ. устод будааст.
Намунаи ашъор[вироиш | вироиши манбаъ]
Абёти зерин аз ӯянд:
- Шохи беди сабзгашта рӯзи бод
- Чун яке масти навони сарнагун.
- Лолабарги сабзпайкар бомдод
- Чун сари шамшери олуда ба хун.
- ***
- Он май ба дасти он бути симини ман нигар,
- Гӯйӣ, ки офтоб бипайваст бо қамар.
- В-он соғаре, ки соя биафканд май ба вай,
- Барги гули сапед аст гӯйӣ ба лола бар.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Донишномаи Рӯдакӣ, Д., 2008.
Сарчашма[вироиш | вироиши манбаъ]
- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.