Антрасит

Ангишти антрасит

Антраси́т (аз лот. anthracites, аз юн.-қад. ἄνθραξ «ангишт; зуғол») — намуди ангишти табиии ба дараҷаи олӣ метаморфӣ гардида. Қариб пурра аз карбон иборат аст (96 %). Рангаш сиёҳи дурахшон, баъзан сиёҳи хокистарӣ ё зардчатоб. Сахтиаш аз рӯи ҷадвали Моос 2 — 4, зичиаш 1400—1700 кг/м³. Гармии сӯзиши антратсит 33,9 — 34,8 МҶ/кг (8100 — 8350 ккал/кг). Ҷараёни электрикиро нағз мегузаронад, аз ин сабаб барои тайёр намудани электродҳо дар саноати алюминий ва химия, истеҳсоли карбиди калсий, барои истеҳсоли маводи ангиштии оташтобовар, дар металлургия ҳамчун сӯзишвории аълосифат истифода мешавад. Дар ҷумҳурӣ яке аз конҳои калонтарини антратсит дар Осиё кони «Назарайлоқ» маълум аст, ки захираи саноатии он зиёда аз 120 млн т мебошад.

Адабиёт

• Антратсит / Р. Охунов // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.