Аслӣ Бурҳонов

Мавод аз Википедиа — донишномаи озод
Jump to navigation Jump to search
Аслӣ Бурҳонов
Бурҳонов Аслӣ Бадриддинович
Аслӣ Бадриддинович Бурҳонов.jpg
Аслӣ Бурҳонов дар нақши Мухтар-ака дар филми «Ман бо духтаре вохӯрдам» (1957)
Санаи таваллуд:

8 январ 1915(1915-01-08)

Зодгоҳ:
Санаи марг:

29 декабр 1997(1997-12-29)

Маҳалли марг:

Душанбе, Тоҷикистон

Шаҳрвандӣ:

 ИҶШС
 Тоҷикистон

Касб:

ҳунарпеша, ҳунарпешаи синамо

Мукофотҳо:
Ордени Ленин Ордени Дӯстии халқҳо Ордени «Нишони Фахрӣ» Ордени «Нишони Фахрӣ»
Ордени «Нишони Фахрӣ» Медали ҷашнии «Ба муносибати 100-солагии рӯзи таваллуди Владимир Илич Ленин»
Ҳунарпешаи халқии ИҶШС— 1965 Ҳунарпешаи халқии ҶШС Тоҷикистон— 1945

Аслӣ Бурҳонов (Бурҳонов Аслӣ (Аслиддин) Бадриддинович; 8 январи 1915, Бухоро29 декабри 1997, Душанбе, Тоҷикистон) — ҳунарпешаи театр ва синамои тоҷик, коргардон, Ҳунарпешаи халқии ҶШС Тоҷикистон (1945). Ҳунарпешаи халқии СССР (1965), дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ (1970).


Зиндагинома[вироиш]

Аз 13-солагиаш дар театрҳои ҳаваскори Бухоро ҳунарнамоӣ кардааст. Соли 1932 ҳамчун ҳунарпешаи Театри давлатии мусиқӣ-мазҳакавии Бухоро ҳунарнамоӣ кард, аз соли 1933 ҳунарпешаи Театри давлатии академии драмавии ба номи А. Лоҳутӣ буд.

Эҷодиёт дар театр[вироиш]

Аслӣ Бурҳонов симоҳои мардони қавиирода, муборизони роҳи озодӣ, шахсони фидокору дурандешро офаридааст. Бурҳонов дорои истеъдоди намоён буда, нақшҳои чи фоҷиавӣ ва чи мазҳакавиро табиӣ, бомаҳорат ва таъсирбахш бозидааст. Нақшҳои иҷрокардаи Бурҳонов — Ризо («Мубориза»-и А.Усмонов,1933), Фердинанд («Макр ва муҳаббат»-и Ф.Шиллер,1937), Хушвақт («Тўҳмат»-и С.Саидмуродов ва И.Исмоилов,1938), Салим,Сафар («Калтакдорони сурх»,1941; «Дар оташ»,1944,С.Улуғзода), Ҳаҷир, Сӯҳроб («Рустам ва Сӯҳроб»-и А. Пирмуҳаммадзода ва В.Волкенштейн,1941-1945), Ҳоҷи («Арўсӣ панҷсўма»-и М.Ўдубодӣ,1943), Коба («Хонлар»-и С.Вурѓун,1951), Қорӣ Ишкамба («Марги судхўри»-и С.Айнӣ,1953), Рӯдакӣ («Рӯдакӣ»-и С.Улуғзода,1958) ва диг. Аслӣ Бурҳонов нахустин иҷрокунандаи нақши В. И.Ленин дар саҳнаи тоҷик (пиесаи Н.Погодин, «Одами милтиқдор»,1948). Баътар дар асарҳои саҳнавии «Соли 1919-и фаромӯшнашаванда-и В.Вишневский»(1951),Соати бурҷи Кремл-и Н.Погодин (1960), Тўфон"-и Ғанӣ Абдулло ва Шамсӣ Қиёмов (1957), Ҳуррият ва «Сарбозони инқилоб»-и Ғанӣ Абдулло (1964), «Корвони бахт»-и М. Миршакар (1972) образи В. И. Ленинро офарид. Яго, Меркутсио, Кент, Труфальдино ("Отелло «,1948; „Ромео ва Ҷулета“,1947; „Шоҳ Лир“,1957;) „Хизматгори ду хоҷа“,1947) — беҳтарин нақшҳои Аслӣ Бурҳонов аз осори драматургияи класикии Ғарб аст. Дар пиесаҳои солҳои охир: „Антигона“-и Софокл (1971), „Дасти дӯст“-и Меҳрубон Назаров (1974), „Фарёди ишқ“-и Ғанӣ Абдулло (1975) нақшҳои асосиро иҷро кардааст. Фаъолияти коргардониаш низ бой буда, асарҳои зиёдеро ба саҳна гузоштааст.

Филмшиносӣ[вироиш]

Аслӣ Бурҳонов инчунин дар филмҳои киностудияи «Тоҷикфильм»:

  • «Сарҳад дар кӯҳсор» — Абдураҳмон (1953),
  • «Дохунда» — Абдулло (1956),
  • «Ман бо духтаре вохӯрдам» — Мухтор ака (1957)[3],
  • «Чароғ дар кӯҳсор» — (1958),
  • «Вазифаи баланд» — Ҷӯраев (1958),
  • «Одам пӯсташро иваз мекунад» — Ҳоҷиёров (1959),
  • «Вақти зангирии писар расид» — Карим ака (1959),
  • «Ҳикояҳои хурд дар бораи кӯдаконе, ки…» падари Ёрмат (1961),
  • «Зумрад» — (1961),
  • «Оромӣ намешавад» — Султонов (1962),
  • «Афсонаи шарқӣ» — (1972),
  • «Салом, одами хуб» — Қурбон (1973),
  • «Субҳи Ганг» — ясаул-боши (1975),
  • «Достони Сиёвуш» — (1976),

Ӯ дар дубляжи бисёр филмҳо саҳм гузоштааст.[4]

Мукофот[вироиш]

Пайвандҳо[вироиш]

Сарчашма[вироиш]

  1. 1.0 1.1 Бурханов Асли Бадриддинович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Энсиклопедияи советии тоҷик. — Душанбе. — Ҷ. 1. — 1978. — Саҳ. 551—552.
  3. Я встретил девушку ru.wikipedia
  4. Энциклопедия кино Таджикистана. — Душанбе,2012, — С. 76. — 396 с. — ISBN 978-99947-919-4-1.