Аҳмад бин Алӣ Оли Танӣ

Мавод аз Википедиа — донишномаи озод
Аҳмад бин Алӣ Оли Танӣ
ар. أحمد بن علي آل ثاني
Таваллуд 1920
Даргузашт 25 ноябр 1977(1977-11-25)
Дудмон Althani[d]
Падар Алӣ бин Абдуллоҳ Оли Сонӣ
Фарзандон Abdelaziz bin Ahmed Al Thani[d]

Аҳмад бин Алӣ Оли Танӣ (Аҳмад бин Алӣ бин Абдуллоҳ бин Ҷосим бин Муҳаммад Оли Танӣ) (1920, Доҳа — 25 сентябри 1977, Лондон) — 1-умин амири Қатар аз сулолаи Оли Танӣ (24 октябри 1960 — 22 феврал, 1972).

Зиндагинома[вироиш | вироиши манбаъ]

24 октябри соли 1960 Шайх Алӣ бин Абдуллоҳ ба фоидаи писараш Аҳмад бин Алӣ Оли Танӣ аз тахт даст кашид. Сабаби даст кашидан аз мухолифатҳои молии Шайх Алӣ бин Абдуллоҳ бо дигар аъзои қавми Оли Танӣ буд.

Аммо амири нав Ахмад бин Алӣ барои идораи давлат вақти кам сарф мекард. Дар моҳи октябри ҳамон соли 1960 Аҳмад вориси худ ва муовини амаки худ Халифа бин Ҳамад Оли Танbро эълон кард[1] .

Амир Аҳмад вақти зиёдеро дар хориҷа сарф карда, дар казиноҳои аврупоӣ ва Лубнон пулро исроф мекард[1]. Ҳокими аслии Қатар ҷияни ӯ Халифа бин Ҳамад буд, ки ислоҳотро оғоз кард[1]. Дар солҳои 1961—1968 қариб сад қонуни нав қабул карда шуд. Аз ҷумла вазоратҳо ташкил карда шуданд, Девони Вазирон ташкил карда шуд, судҳои шаҳрвандӣ ба кор cap карданд. Тамоми сиёсати молиявии давлат мавриди таҷдиди назар қарор гирифт — қабули буҷети солона оғоз гардид, барномаҳои рушди иқтисодии Қатар таҳия карда шуданд[1]. Қоидаҳои фаъолияти тиҷоратӣ, қоидаҳои ташкили ҷамъиятҳои саҳомии омехта, инчунин қоидаҳое, ки муносибатҳои байни корфармоён ва коргаронро танзим мекунанд, тасдиқ карда шуданд. Соли 1964 Бонки миллии Қатар таъсис ёфт.

Моҳи апрели соли 1970 Конститутсия қабул шуд[1]. Ҳокимияти амир бемаҳдуд боқӣ монд, вале дар назди ӯ Шӯрои машваратӣ бо вазифаҳои машваратӣ таъсис ёфт[1] . Дар моҳи майи ҳамон сол Шайх Халифа бин Ҳамад ба мақоми сарвазири Қатар таъин шуд. Ҳамзамон бо ҳукумати Бритониё барои додани истиқлол ба Қатар музокирот идома дошт. 1 сентябри соли 1971 истиқлоли аморати Қатар эълон карда шуд.

22 феврали соли 1972 Шайх Халифа бин Ҳамад Оли Танӣ бо дастгирии артиш ва нерӯҳои амниятӣ табаддулоти давлатӣ анҷом дод. Амир Аҳмад бин Алӣ, ки дар хориҷа буд, барканор эълон шуд[1] . Халифа бин Ҳамад (1972-1995) амири нави Қатар шуд[1] .

Дар ибтидо Аҳмад бин Алӣ дар Дубай, дар дарбори падарарӯсаш амир Рашид ибни Саид Мактум зиндагӣ мекард. Аз Дубай ба Лондон рафт ва дар он ҷо 25 ноябри соли 1977 даргузашт.

Оила[вироиш | вироиши манбаъ]

Шайх Аҳмад бин Алӣ Оли Танӣ бо духтари шайх Рашид бин Саид Мактум (1912—1990]]), амири Дубай (1958—1990) издивоҷ кардааст. Дар издивоҷ 7 писару як духтар дошт.

Эзоҳ[вироиш | вироиши манбаъ]

  1. 1.0 1.1 1.2 1.3 1.4 1.5 1.6 1.7 Рыжов К. В. Все монархи мира. Мусульманский восток в XV—XX вв. — М.: «Вече», 2004. — С. 68. — ISBN 5-9533-0384-X.