Ба ( пешоянд)

Ба - пешоянди аслӣ аст. Пешоянди ба асосан самти амал ва ё ҳаракатро нишон медиҳад, аммо вобаста ба маънои феълу исм ва мазмуни умумии ҷумла тобишҳои масоҳагӣ, объектӣ ва замониро низ ифода мекунад.

Мисолҳо:

• Аспҳошонро ба Бухоро расонда медиҳаму худам ба Шаҳрисабз бармегардам (Сотим Улуғзода);
• Шуоьҳои тез ва кунҷкови офтоб рост ба чашмони ӯ' бармехӯрданд (Пӯлод Толис);
• Зардуштиен рӯзона ба офтобу шабона ба моҳ таваҷҷуҳ мекунанд (Фазлиддин Муҳаммадиев);
• Вай ба тулӯи офтоб мунтазир шуд(Садриддин Айнӣ).
• Ман ба ҷасорати халифа ҳайрон шудам (Садриддин Айнӣ).

Дар назм пешоянди ба пеш аз ҷонишинҳое, ки бо садонок сар мешаванд, гоҳо дар шакли кадимаи худ бад кор фармуда мешавад: бад-эшон, бад-ӯ.

Нигаред

• Пешояндҳои аслӣ

Манбаъ

• Грамматикаи забони адабии ҳозираи тоҷик.- Душанбе:Дониш,1985. - саҳ.290