Банд (нақш)

Банд (таноб) — навъи нақш дар санъати амаливу ороишӣ ва тавсифӣ, хатти морпеч аз анвои нақши ислимӣ. Ба бандҳои печ дар пече шабоҳат дорад, ки баъзан якка ва гоҳо ҷуфт-ҷуфт омада, одатан, ҳошияро оро медиҳад ва чунин ном гирифтанаш низ аз ин монандист. Яккабанд ва қӯшбанд 2, 3, 4, 5 маротиба бо ҳамдигар гиреҳбанд омада, ҳошияҳои ислимии якрафтор (иборат аз як банд), дурафтор (ду банд), серафтор (се банд) ва ғайраро ташкил медиҳанд.

Сарчашма

• Банд // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.