Баобаб

Мавод аз Википедиа — донишномаи озод
Jump to navigation Jump to search
Баобаб
Adansonia digitata MS 10040.jpg
Адансонияи панҷамонанд, ё баобаб. Намибия
Таснифоти илмӣ
Номи илмии баналмилалӣ

Adansonia digitata L., 1753

Баоба́б, ё Адансонияи панҷамонанд (лот. Adansonia digitata) — навъи дарахт аз ҷинси Адансония оилаи Malvaceae. Дар биёбонҳои Африқои тропикӣ мерӯяд.

Тавсифоти гиёҳшиносӣ[вироиш]

Баландиаш 18–25 м; даври шоху навдааш 9–10 м (аз ин рӯ баобаб яке аз дарахтони бузургтарини ҷаҳон ба ҳисоб меравад); ғафсии танааш то 25 м; навдаҳои болоияш ғафс, ҳангоми хазонрез дарахти «чаппагардон»-ро мемонад. Танаи баобаб мавсими боронгарӣ обро ҷаббида, фасли сармо намиро ихроҷ менамояд. Баобаб октябр–декабр гул мекунад; гулаш тоқа, панҷбарга, калон (то 20 см), сафеди арғувонӣ, хушбӯй; шом шукуфта, субҳ пажмурда ва бадбӯй мегардад. Самари баобаб харбузашакл (то 40 см) буда, таъми турш дорад (хӯрданбоб аст). Бештар хӯроки маймунҳост. Баобабро нондарахти маймунҳо низ меноманд. Баобаб тақрибан 4–5 ҳазор сол умр мебинад.

Корбурд[вироиш]

Меваи баобаб бо донак

Аз навдаҳои он ресмон мебофанд, тӯри моҳидорӣ тайёр мекунанд; аз хокистараш доруҳои зидди шамолхӯрӣ, шикамдард, бемориҳои дил, зиқи нафас, дарди дандон ва ғайра омода месозанд. Аз гарди гули баобаб ширеш, аз тухмаш қаҳва тайёр мекунанд, самараи сӯхтааш дар собунпазӣ истифода мешавад. Занҳои африқоӣ бо оби решаи баобаб мӯи сарашонро ранг мекунанд.

Эзоҳ[вироиш]

Адабиёт[вироиш]

  • Школьник Ю. К. Растения. Полная энциклопедия растений. — М.: ЭКСМО, 2009. — С. 116—117. — 256 с. — ISBN 978-5-699-10969-2.

Сарчашма[вироиш]