Баргак (зардолу)

Баргак, долак — зардолуи дукафони бедонак. Бо номи кишта ҳам маъмул аст. Баргакро бештар аз навъҳои зардолуи Мирсанҷалӣ, Исфарак, Субҳонӣ, Хурмоӣ, Нишонӣ, Фалғарӣ тайёр мекунанд. Барои ин зардолуҳои пухтаро чида нағз мешӯянд, бо гази сулфур 2-3 соат буғ медиҳанд, дукафон карда, донакашонро ҷудо менамоянд. Сипас онҳоро рӯйи фаршҳои махсуси андозаашон 80 × 80 см ё дар болои бурё ва сангҳо чида дар офтоб мехушконанд. Баргак аз рӯйи тарзи хушконидан ба хелҳои кордӣ, буғдода, офтобӣ ва ғ. ҷудо мешавад. Аз 1 кг зардолу 20-30 % баргак ҳосил мегардад. Қанди баргак вобаста ба навъи зардолу 50-60 дарсадро ташкил медиҳад.

Сарчашма

• Баргак / Т. Аҳмадов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.