Барометр

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Барометри механикӣ

Баро́метр (юн.-қад. βάρος — «вазнинӣ, вазн» ва μετρέω — «чен мекунам») — асбоб барои чен кардани фишори атмосферӣ. Фишор қувваест, ки ба воҳиди масоҳат таъсир мекунад[1]. Атмосфераи Замин ба садҳо км баландӣ тӯл кашида, ба сатҳи он фишор меорад.

Таҷҳизот[вироиш]

Барометр барои чен кардани ин фишор хизмат мекунад. Фишори атмосферӣ (ё барометрӣ) бо мм сутуни симоб ва паскал (Па) чен карда мешавад. Бо барометр инчунин баландиро чен кардан мумкин аст, чунки фишори атмосферии ҳаво бо зиёд шудани баландӣ (аз сатҳи баҳр) паст мешавад. Чунин асбобҳоро дар самолётҳо истифода мебаранд ва кӯҳнавардон бо худ мегиранд.

Намудҳои барометр[вироиш]

Асосан ду намуди барометр мавҷуд аст: симобӣ ва механикӣ (Анероид). Дар барометри симобӣ фишори атмосферӣ аз рӯйи баландии сутуни симоби найчаи симобдор, ки дар зарфи симобдор ғӯтонда шудааст, ёфта мешавад. Кашфи фишори атмосферӣ ва ихтирои барометри симобиро олими итолиёӣ Торичелли Эванҷелиста дар рисолаи «Opera geometrica» (1644) овардааст. Барометрҳои симобӣ нисбатан дақиқ буда, пойгоҳҳои обуҳавосанҷӣ бо онҳо муҷаҳҳаз гардонда шудаанд.

Ҳамчунин нигаред[вироиш]

Эзоҳ[вироиш]

  1. ЭМТ, Ҷ. 2. АСОС-БОЗ – Душанбе: СИЭМТ, 2013, - с.378 // М. Холов.

Сарчашма[вироиш]

Энсиклопедияи Миллии Тоҷик Мақола дар асоси маводи Энсиклопедияи Миллии Тоҷик навишта шудааст.