Бегим (шоираи эронӣ)

Бегим (с. тав. номаълум — ваф. 1789, ш. Қуми Эрон) — шоираи эронӣ.

Аз хонадони аҳли қалам — шоирон. Бо тахаллуси «Рашҳа» шеър гуфтааст. Аҷдодаш аз Урдубоди Озарбойҷон буда, дар аҳди Сафавиён аввал ба Исфаҳон, баъдан ба Кошон рафта, муқимӣ шудаанд. Дар тазкираҳои бисёре аз қабили «Нуқли маҷлис», «Тазкират- ул-хавотин», «Нигористони сухан» ва ғ. аз Б. чун шоираи бомаҳорату соҳибтабъ маълумот дода шудааст. Девоне шомили 3 ҳазор байт дар замони барҳаёт буданаш таҳия карда будааст.

Байти зерин аз ӯст:

Изтиробам зери теғаш не зи бими куштан аст.
Шавқи теғи ӯст, тоб аз ҷони ширин мебарад.

Адабиёт

، کشاورز صدر. زنان که به فارسی شعر گفته اند. چاپ کاویان بدون جای نشر ۱۳۴۱ ه. ش.

Сарчашма

• Бегим / У. Назиров // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.