Берлини Шарқӣ

	Берлини Шарқӣ
Майдон	409 км²;
Аҳолӣ	1 279 212 тан (1989);

Берлини Шарқӣ ( олмонӣ: Ost-Berlin ; талафуз: [ˈɔstbɛʁˌliːn] (гӯш кардан (итт.)) ) — қисми шаҳри Берлин, ки пас аз Ҷанги Дуюми Ҷаҳонӣ ба бахши Шӯравӣ афтод. Берлини Шарқӣ аз 7 октябри соли 1949 то 3 октябри соли 1990 пойтахти де-фактои Олмони Шарқӣ буд. Аз 13 августи соли 1961 то 9 ноябри соли 1989, қисми шарқии шаҳр аз қисмати ғарбии он бо девори Берлин ҷудо карда шуда буд. Иттифоқчиёни Ғарб Берлини Шарқиро ҳамчун пойтахти Ҷумҳурии Демократии Олмон ва инчунин салоҳияти Ҷумҳурии Демократии Олмон-ро барои идораи Берлини Шарқӣ эътироф накарданд. Дар аксари давраи мавҷудияти маъмурии худ, Берлини Шарқӣ расман ҳамчун Берлин, пойтахти ҶДО (олмонӣ: Berlin, Hauptstadt der DDR ) аз тарафи хукумати Олмони Шарқӣ эътироф шуда буд. 3 октябри соли 1990 Ҷумҳурии Федеративии Олмон ва Ҷумҳурии Демократии Олмон муттаҳид шуданд. Ин рӯз рӯзи расман хотима ёфтани мавҷудияти Берлини Шарқӣ ҳисобида мешавад.

Сохтори маъмурӣ

Берлини Шарқӣ аз 11 ноҳия иборат буд (нигаред ба расм):

Митте ( олмонӣ: Mitte )

Пренцлауэр Берг ( олмонӣ: Prenzlauer Berg )
Фридрихшайн ( олмонӣ: Friedrichshain )
Панков ( олмонӣ: Pankow )
Вайсензе ( олмонӣ: Weissensee )
Хоэншвангаузен ( олмонӣ: Hohenschönhausen (аз соли 1985)
Лихтенберг ( олмонӣ: Lichtenberg )
Марзан ( олмонӣ: Marzahn )
Геллерсдорф ( олмонӣ: Hellersdorf )
Трептов ( олмонӣ: Treptow )
Көпеник ( олмонӣ: Köpenick )

Маркази пойтахти қисман эътирофшудаи Ҷумҳурии Демократии Олмон кӯчаи асосии Александрплатс (Alexanderplatz, "Alex") буд. — Унтер-ден-Линден ( олмонӣ: Unter den Linden ). Дар ғарб, ин кӯча ба дарвозаи Бранденбург пайваст буд, ки аз паси он Берлини Ғарбӣ оғоз мешуд, ки се минтақаи ишғолии пас аз ҷангро муттаҳид мекард — Амрикоӣ, Бритониёӣ ва Фаронсавӣ .