Бернал, Ҷон Десмонд

Мавод аз Википедиа — донишномаи озод
Jump to navigation Jump to search
Бернал, Ҷон Десмонд
англ. John Desmond Bernal
Bernal,John Desmond 1934 London.jpg
Санаи таваллуд:

10 май 1901(1901-05-10)[1][2][…]

Зодгоҳ:
Санаи марг:

15 сентябр 1971(1971-09-15)[1][2][…] (70 сол)

Маҳалли марг:
Мамлакат:
Фазои илмӣ:

Биофизика ва science studies[d]

Ҷойҳои кор:
Алма-матер:
Роҳбари илмӣ:

William Henry Bragg[d]

Шогирдони маъруф:

Dorothy Hodgkin[d] ва Max Perutz[d]

Ҷоизаҳо:
Commons-logo.svg Бернал, Ҷон Десмонд дар Викианбор
John Desmond Bernal, London 1934

Ҷон Десмонд Бернал (англ. John Desmond Bernal; 10 майи 1901, Нина, Ирландия — 15 сентябри 1971, Лондон) — физикдон ва ҷомеашиноси англис, арбоби тараққипарвари ҷамъиятӣ, узви Ҷамъияти шоҳии Лондон (1937).

Зиндагинома[вироиш]

Хатмкардаи Донишгоҳи Кембриҷ (1922). Солҳои 1923—1927 дар Озмоишгоҳи Дэви — Фарадей (Лондон) ва 1927-37 дар Донишгоҳи Кембриҷ фаъолият дошт. Профессори Донишгоҳи Лондон (1937). Солҳои 1939—1942 корманди соҳаи муҳофизати ҳавоӣ, 1942—1945 мушовири илмии ситоди амалиётҳои иттифоқчиён буд.

Фаъолияти илмӣ[вироиш]

Асарҳои Ҷон Бернал асосан ба физика, кристаллография ва биокимиё бахшида шуда, сохтори графит, филиззот, обҳо, стиролҳо, ҳормонҳо, витаминҳо, сафедаҳо, вирусҳо, масолеҳи сохтмонӣ (семент) ва ғайраро таҳқиқ кард. Соли 1933 «модели берналии ях»-ро пешниҳод кард, ки ҳолати обро дар ҳамаи пайвастагиҳо шарҳ медиҳад. Ба ӯ инчунин корҳо оид ба назарияи ҳолати моеъ тааллуқ доранд. Ҷон Бернал муаллифи асарҳо оид ба нақш ва мавқеи илм дар ҳаёти ҷамъият буда, дар онҳо аҳаммияти фалсафии илм, вобастагии илм, техника ва шароитҳои иҷтимоӣ, таъсири илм ба рушди ҷамъият, хусусиятҳои рушди илм дар давраи капитализм ва сотсиализмро равшан сохт. Асари Ҷон Бернал «Функсияи иҷтимоии илм» (1939) ба соҳаи нави дониш — илмшиносӣ бунёд гузошт. Дар китоби «Ҷаҳони беҷанг» (1958) Ҷон Бернал манзараи шавқовари ҳаёти инсониятро, ки аз ҷангҳо раҳоӣ ёфта, ҳамаи дастовардҳои илмро барои манфиатҳои ҷамъият истифода мекунад, тасвир кардааст.

Ҷон Бернал муборизи фаъоли сулҳ, Президент — иҷрокунандаи Раёсати Шӯрои умумиҷаҳонии сулҳ (1959-65), ноиби раиси Федератсияи умумиҷаҳонии кормандони илмӣ, Президенти Иттиҳоди байналмилалии кристаллографҳо (1963-66) буд. Ӯ узви хориҷии АИ ИҶШС (1958) ва як қатор академияи илмҳои ҷаҳон интихоб шудааст.

Ҷоизаҳо[вироиш]

Барандаи Мукофоти байналмилалии ленинӣ «Барои мустаҳкам намудани сулҳ байни халқҳо» (1953).

Осор[вироиш]

  • Социальная функция науки. М., 1946; Наука в истории об-щества. М., 1956;
  • Мир без войны. М., 1960; Возникновение жизни. М., 1969.

Эзоҳ[вироиш]

Адабиёт[вироиш]