Бока Хуниорс (бошгоҳи футбол)

	Бока Хуниорс
Номи пурра	Club Atlético Boca Juniors
Лақаб	«Генуазиҳо» (исп. Xeneizes), ; «Кабуду тиллоиҳо» (исп. Azul y Oro), ; «Бока»
Таъсис	03.04.1905
Майдон	«Ла Бомбонера», Буэнос-Айрес, Аргентина
Ғунҷоиш	57 200
Президент	Хуан Роман Рикелме
Мураббӣ	Мигел Ангел Руссо
Капитан	Маркос Рохо
Рейтинг	ҷойи 3-юм дар раддабандии КОНМЕБОЛ
Сарпараст	betsson
Сайт	bocajuniors.com.ar
Мусобиқа	Чемпионати футболи Аргентина
2024	ҷойи 6-ум
	2025

«Бока Хуниорс» (исп. Club Atlético Boca Juniors) — бошгоҳи маъруфи футболи Аргентина буда, дар шаҳри Буэнос-Айрес ҷойгир аст. Ин бошгоҳ яке аз муваффақтарин бошгоҳҳои Амрикои Ҷанубӣ ба ҳисоб меравад ва дар Чемпионати футболи Аргентина иштирок мекунад.

Таърих

«Бока Хуниорс» рӯзи 3 апрели соли 1905 аз ҷониби панҷ муҳоҷири ҷавони итолиёвӣ дар маҳаллаи Ла Бока таъсис ёфтааст. Дар соли 1907, президенти бошгоҳ Хуан Рафаэл Брикетто рангҳои кабуду зардро ҳамчун рангҳои рамзӣ интихоб кард. Тибқи достони дигаре, соли 1907 бунёдгузорони бошгоҳи «Бока Хуниорс» тасмим гирифтанд, ки барои даста рангҳои анъанавӣ интихоб намоянд. Онҳо қарор карданд, ки ранги парчами аввалин киштиеро, ки ба бандари «Ла Бока» ворид мешавад, ҳамчун ранги рамзӣ қабул кунанд. Тибқи ин ривоят, нахустин киштии ба бандар расида, киштии боркаши «Дроттнинг София» буд, ки болояш парчами Суэд ҷилва медод. Аз ҳамин сабаб, эҳтимолан рангҳои кабуду зард, ба монанди парчами Суэд, ҳамчун ранги рамзии бошгоҳ интихоб шудаанд. Бошгоҳ аз ибтидо бо мухлисони пурғайрат ва рақобати шадид бо «Ривер Плейт» маъруф аст. Рақобати байни онҳо бо номи Суперкласико машҳур буда, яке аз муҳимтарин шаҳровардҳои ҷаҳон ба шумор меравад.

Варзишгоҳ

Бошгоҳ дар варзишгоҳи «Ла Бомбонера» бозиҳои хонагии худро мегузаронад. Ин майдон дорои ғунҷоиши 54 000 нафар буда, бо фазои гарми мухлисонаш маъруф аст.

Дастовардҳо

Дастовардҳои миллӣ

Қаҳрамони Аргентина: 35 маротиба
Ҷоми Аргентина: 4 бор
Суперҷоми Аргентина: 2 маротиба

Дастовардҳои байналмилалӣ

Ҷоми Либертадорес: 6 бор — 1977, 1978, 2000, 2001, 2003, 2007
Ҷоми байниқитъавӣ: 3 бор
Рекопаи Амрикои Ҷанубӣ: 4 бор
Ҷоми Амрикои Ҷанубӣ: 1 бор

Рақобат

«Бока Хуниорс» ва «Ривер Плейт» рақибони қадимӣ мебошанд. Бозии байни онҳо — Суперкласико — на танҳо дар Аргентина, балки дар тамоми ҷаҳон шӯҳрат дорад.

Академияи ҷавонон

Бошгоҳ бо тарбияи футболбозони бузурге шӯҳрат ёфтааст, аз ҷумла:

Ҳайати ҳозира

Гузаришҳо

Эзоҳ

↑ Раддабандии КОНМЕБОЛ барои бошгоҳҳо. conmebol.com. 16 Декабри 2024 санҷида шуд.

Пайвандҳо

[1] Раддабандии КОНМЕБОЛ барои бошгоҳҳо. conmebol.com. 16 Декабри 2024 санҷида шуд.

[1]