Бувайсар Сайтиев

Мавод аз Википедиа — донишномаи озод
Jump to navigation Jump to search
Wrestling pictogram.svg
Бувайсар Ҳамидович Сайтиев
Buwaisar Saytiev.jpg
Иттилооти инфиродӣ
Ҷинс

мард

Номи аслӣ

чеч. Сайтин Хьамидан кlант Бувайсар

Шаҳрвандӣ

 Русия

Тахассус

amateur wrestling[d]

Санаи таваллуд

11 март 1975(1975-03-11) (44 сол)

Зодгоҳ
Маснади варзишӣ

1982 — то ҳол

Мураббӣ
Қад

180 сантиметр

Вазн

74 килограмм

Commons-logo.svg Аудио, фото, видео дар Викианбор

Бувайса́р Ҳами́дович Сайти́ев (чеч. Сайтин Хьамидан кlант Бувайсар; тав. 11 март 1975, Хасавюрт, ҶМШС Доғистон, РСФСР, ИҶШС) — варзишгари русиягии куштии тарзи озод. Вакили Думаи давлатӣ аз Доғистон[1][2][3].

Яке аз ҷоизадортарин варзишгар дар таърихи куштии тарзи озод. Қаҳрамони секаратаи Бозиҳои тобистонаи олимпӣ (1996, 2004, 2008), қаҳрамони шашкаратаи ҷаҳон (1995, 1997, 1998, 2001, 2003, 2005), қаҳрамони шашкарати Аврупо (1996, 1997, 1998, 2000, 2001, 2006), қаҳрамони чоркарати Русия, ҳафт карат барандаи мусобиқаи Красноярски бузургдошти хотири Иван Яригин, барандаи Бозиҳои иродаи нек (1998), устоди хизматнишондодаи варзиши Руссия (1995).

Зиндагинома[вироиш]

Кӯдакӣ[вироиш]

11 марти соли 1975 дар шаҳри Хасавюрти Доғистон таваллуд шудааст. Аз шашсолагӣ ба тамрини куштии тарзи озод машғул шудааст. Дар сездаҳсолагӣ падараш дар садамаи нақлиётӣ аз олам гузашт. Модараш ба танҳоӣ чор писар ва ду духтарро ба воя расонд.

Фаъолияти варзишӣ[вироиш]

Бувайсар Сайтиев бо тоҷикони шаҳри Красноярски Федератсияи Руссия. Остров отдыха, назди Кохи варзиш. Майи 2014

Соли 1989 устоди варзиши ИҶШС шуд. Соли 1990 барои таҳсил ба интернати варзишии Новокузнеск рафт. Соли 1991 дар мусобиқаи байни ҷавонони ИҶШС қаҳрамон гардид.

Баъди хатми мактаби миёна аз Хасавюрт ба Красноярск рафт, ки бузургтарин маркази варзишӣ дар намуди куштии тарзи озод ба ҳисоб мерафт. Соли 1993 дар мактаби маҳорати олии варзишӣ оид ба куштии тарзи озод ба номи Д. Г. Миндиашвили тамринро шуруъ кард. Устодонаш Д. Г. Миндиашвили, Г. Л. Бахтуридзе ва С. Г. Хачикян буданд. Дар соли 1995 аввалин бор дар мусобиқоти қаҳрамонии ҷаҳон ҷои авалро гирифт, ки баъдан ин унвонро панҷ маротибаи дигар сазовор шуд (солҳои 1997, 1998, 2001, 2003 ва 2004). Барандаи мусобиқоти қаҳрамонии Аврупо (1996,1997, 1998, 2000, 2001, 2006).

Соли 1996 дар вазни то 74 кг дар Бозиҳои тобистонаи олимпии Атланта барандаи медали тило шуд. Дар Атланта Бувайсар ҷавонтарин қаҳрамони Бозиҳои олимпӣ дар намуди куштии тарзи озод шинохта шуд. Аз соли 1995 то 2000 дар ягон рақобатҳои варзишӣ набохтааст.

Соли 2000 дар Бозиҳои тобистонаи олимпии Сидней аз сабаби лат хурдан дар рақобати дуввум шикаст хурд. Соли 2004 қаҳрамони Бозиҳои олимпии Афина ва соли 2008 бори сеюм қаҳрамони Бозиҳои олимпӣ дар Пекин гашт.

Панҷ маротиба Созмони умумиҷаҳонии куштӣ ӯро беҳтарин варзишгари куштии тарзи озод эълон кард (1996, 1997, 1998, 2003, 2005). Супурдани мукофоти давлатӣ ба қаҳрамони Бозиҳои тобистонаи олимпии Пекин- 2008. Устоди хизматнишондодаи варзиши Русия Бувайсар Сайтиев ба ордени "Барои хизмат ба Ватан" дараҷаи IV мукофотонида шуд. Ҷаласа дар Кремл.

Хатмкардаи Донишгоҳи давлатии Махаҷқалъа, риштаи ҳуқуқ ва бизнес. Дар айни ҳол президенти Федератсияи куштии Ҷумҳурии Чеченистон мебошад[4].

Подполковники Қувваҳои мусаллаҳи Русия.

26 майи соли 2009 Бувайсар Сайтиев фаъолияти варзишиашро расман қатъ кард[5].

Фаъолияти сиёсӣ[вироиш]

Вакили думаи давлатӣ, узви кумитаи тарбияи ҷисмонӣ, варзиш, сайёҳӣ ва кор бо ҷавонон[6].

Оила[вироиш]

Бародари калони қаҳрамони олимпӣ Одам Сайтиев мебошад. Оиладор, соҳиби се писар ва як духтар[7].

Ҷоиза ва рутба[вироиш]

  • Орден «Барои хизмат ба Ватан» дараҷаи IV (2 августи соли 2009)[8];
  • Ордени Шараф (18 феврали соли 2006 ) — барои саҳми бузург дар тарбияи ҷисмонӣ ва варзиш ва комёбиҳои баланди варзишӣ[9];
  • Ордени Дӯстӣ (6 января 1997 года) — барои хизмат ба давлат ва комёбии бузурги варзишӣ дар 26-ум Бозиҳои тобистонаи олимпии соли 1996- Атланта[10];
  • Орден ба номи Аҳмад Қодиров (Чечнистон, соли 2009)[11];
  • Орден «Ал-Фахр» дараҷаи II (Шӯрои уламои Русия, соли 2008 );
  • Нишони фахрӣ «Баро хизмат дар рушди тарбияи ҷисмонӣ ва варзиш»;
  • Барандаи ҷоизаи миллии варзишии "Шараф";
  • Соли 2007 ба ҷоизаи расмии СУК (Созмони умумиҷаҳонии куштӣ) «Яктаки тилоӣ» ҳамчун «Беҳтарин куштигир дар таърихи куштии тарзи озод»[12];
  • 12 майи соли 2010 ба "Шаҳрванди ифтихории Красноярск" мушарраф гашт;
  • Ба ифтихори Бувайсар Сайтиев ҳамасола дар Шоҳигарии Белгия ва шаҳри Красноярски Русия мусобиқа гузаронида мешавад[13];
  • Дар шаҳри Эйпени Шоҳигарии Белгия соли 2015 мактаби варзишии "Сайтиев" кушода шуд[14].

Эзоҳ[вироиш]

  1. Бувайсар Сайтиев станет депутатом Госдумы от Дагестана
  2. Рамзан vs Сагид. Почему Абдулатипов провел в Думу Бувайсара, но сломал карьеру Сажида?
  3. Бувайсар Сайтиев прошёл в Госдуму от Дагестана
  4. Сайтиев Бувайсар Хамидович. Федерация спортивной борьбы Чеченской Республики. 15 июни 2016 санҷида шуд.
  5. Григоренко, А. Лучший борец мира меняет спорт на веселую и интересную жизнь. Российская газета (27 мая 2009). 2 ноябри 2011 санҷида шуд.
  6. Сайтиев Бувайсар Хамидович. duma-er.ru. 21 августи 2017 санҷида шуд.
  7. Бувайсар Сайтиев: «На тренировках порву любого!»
  8. Указ Президента Российской Федерации от 2 августа 2009 года № 885 «О награждении государственными наградами Российской Федерации»
  9. Указ Президента Российской Федерации от 18 февраля 2006 года № 126 «О награждении государственными наградами Российской Федерации» Шаблон:Webarchive
  10. Указ Президента Российской Федерации от 6 января 1997 года № 1 «О награждении государственными наградами Российской Федерации спортсменов, тренеров, работников физической культуры и спорта по итогам XXVI летних Олимпийских игр 1996 года»
  11. В Совете муфтиев России чествовали олимпийских чемпионов
  12. Бувайсар Сайтиев — трехкратный олимпийский чемпион. znamus.ru. 21 августи 2017 санҷида шуд.
  13. Международный турнир по вольной борьбе среди юношей и юниоров на призы 3-кратного олимпийского Бувайсара Сайтиева
  14. Интервью президента БК «Сайтиев» радио BRF