Букмекер

Нуқтаи қабули шартбандӣ дар Рединг, Беркшир

Букмекер (англ. bookmaker) — навъи фаъолиятест, ки тавассути он аз ҳаводорони бозиҳои гуногун, масалан, аспда­вонӣ, пойга, инчунин маъракаҳои сиёсӣ, фарҳангӣ, моли­я­вӣ ва ғ. маблағи шарт қабул карда мешавад.

Таърих

Дар давра­ҳои аввали пайдоиш, хосса дар империяи Рум, маҳалли асосии фаъолияти Букмекер аспрез (ипподром)-ҳо буданд. Дар он ҷо ҳаводорони пойга оид ба ғолибияти ин ё он даста гарав мебастанд ва барои ин маблағи муайян мегузоштанд. Маблағро касе соҳиб мешуд, ки пешгӯияш дуруст баромада бошад. Баъдан дар баробари пойга хурӯсҷанг ва дигар шаклҳои бозӣ низ маъмул гаштанд. Фаъолияти Букмекер хусусан дар Британияи Кабир ривоҷ ёфтааст. Ин давлат аз ҷиҳати коргоҳҳои Букмекер дар ҷаҳон ҷойи аввалро иш­ғол мекунад.

Адабиёт

• Букмекер // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.