Бундаҳишн

Мавод аз Википедиа — донишномаи озод
(Тағйири масир аз Бундаҳишн (Китоб))
Jump to navigation Jump to search

Бундаҳишн («Бундаҳиш», ба маънии «Бунёди офариниш») — номи яке аз муҳимтарин матнҳои бозмонда аз адабиёти порсии миёна паҳлавӣ дар заминаи асотиру дину донишу фарҳанги эрониён аст.

Таърих[вироиш]

Ин китоб, ки нависандаи он шинохта нест, 46 бахш дорад. Аз «Бундаҳишн», – ки метавон онро фарҳангномае (донишнома)и кӯчак шумурд – ду дастнавис бозмондааст, ки якеро «Бундаҳишни ҳиндӣ» (ё кӯчак) ва дигареро «Бундаҳишни бузург» (ё эронӣ) мехонанд ва дастнависи эронӣ комилтар аст. Ин китобро «Зандокосиҳ» (Зандогоҳӣ) низ хондаанд ва доктор Вест таърихи нигориши онро 881 б.м. ва Дармстетер 862 б. м. медонад.

Тарҷумаҳои «Бундаҳишн»[вироиш]

Аз миёни тарҷумаҳои «Бундаҳишн» метавон ба тарҷумаи англисии Вест дар маҷмӯаи «Китобҳои муқаддаси Ховарзамин» (SBE) ва тарҷумаи Анклесариа (Бамбай, 1956) ишора кард. Тарҷумаи форсии китобро низ доктор Меҳрдоди Баҳор дар дасти иќдом орад, ки бахшҳое аз он дар китоби «Пажуҳише дар асотири Эрон» (пораи нахуст, Теҳрон, 1362) мунташир шудааст ва интишори ҷудогонаву комили онро чашм ба роҳем. Оқои Баҳор «Вожаномаи Бундаҳишн»-ро пеш аз ин дар як ҷилд мунташир кардааст.

Эзоҳ[вироиш]

Манбаъ[вироиш]