Вазифаи риояи Конститутсия ва қонунҳо

Мавод аз Википедиа — донишномаи озод
Jump to navigation Jump to search

Вазифаи риояи Конститутсия ва қонунҳо - низ яке аз вазифаҳои конститутсионӣ буда, тибқи он ба ӯҳдаи ҳар як шахс ва иттиҳодияҳои онҳо, шахсони мансабдор ва мақомоти давлатӣ қатъиян риоя кардани Конститутсия ва қонунҳо гузошта мешавад. Риояи Конститутсия ва қонунҳо дар ҳар кишвар пеш аз ҳама, вазифаи ҳамаи иштирокчиёни (субъектони) муносибатҳои ҳуқуқӣ буда, таъмини қонуният ҳамчун асоси устуворшавии тартибот, ҷомеа ва ҳаёти ҳар як инсон мебошад. Вазифаи мазкур барои барпо намудани давлати ҳуқуқбунёд асос шуда метавонад. Мувофиқи Конститутсия надонистани қонун ҷавобгариро истисно намекунад. Бинобар ин, эътироф ва риояи Конститутсия ва қонунҳо ба омӯзишу дарк намудани он алоқаманд аст. Аз ин рӯ, давлат вазифадор аст, ки матни қонунҳоро дастраси шаҳрвандон гардонад ва барои дарки он кӯмак расонад, вагарна қонунҳоро надидаю наомӯхта риоя кардан ғайриимкон аст.[1]

Нигаред[вироиш]

Манбаъ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 115