Варақаи иҷро

Мавод аз Википедиа — донишномаи озод
Jump to navigation Jump to search

Варақаи иҷро - яке аз намуди ҳуҷҷатҳои иҷро буда, аз ҷониби суд дар асоси санадҳои судии (ҳалнома, ҳукм, таъинот, қарор) эътибори қонунй пайдокарда дода мешавад. Варақаи иҷро ба иҷрочиёни суд, ки дар судҳои ноҳия, шаҳр фаъолият доранд, барои маҷбуран иҷро кардан супорида мешаванд. Иҷрои санадҳои судии судҳои иқтисодии Ҷумҳурии Тоҷикистон мувофиқан аз ҷониби иҷрочиёни Суди Олии иқтисодии Ҷумҳурии Тоҷикистон, Суди иқтисодии ВМКБ, судҳои иқтисодии вилоятҳо ва Суди иқтисодии шаҳри Душанбе амалй мегарданд. Варақаи иҷро оид ба рӯёнидани боҷи давлатй барои иҷро кардан ба мақомоти андоз аз рӯи маҳалли воқеъ гардидани қарздор фиристода мешавад (м. 198 КМХ ҶумҳурииТоҷикистон). Дар варақаи иҷро номи суде, ки онро (варақаи иҷроро) додааст, парвандаи баррасишуда, вақти баровардани санади судй, хулосаи санади судй (калима ба калима), вақти эътибори қонунй пайдо кардани санади судй, вақти додани варақаи иҷро, номи рӯёнанда ва қарздор ва сурогаи онхо сабт карда мешавад варақаи иҷро КМГ (моддаи 365-366) ва КМХ Ҷумҳурии Тоҷикистон тартиби додани нусхаи дуюми варақаи иҷроро (дубликатро) муқаррар кардааст. [1]

Нигаред[вироиш]

Манбаъ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 118