Фарқият байни намунаҳои "Абдуфаттоҳ Шарифзода"

Jump to navigation Jump to search
→‎Фаъолияти илмӣ: илова, сарчашмаҳо
(→‎Фаъолияти илмӣ: илова, сарчашмаҳо)
== Фаъолияти илмӣ ==
Аъзои Шӯрои диссертационӣ оид ба ҳимояи рисолаҳо ба дарёфти унвони доктори илмҳои таърих дар назди Пажӯҳишгоҳи таърих, бостоншиносӣ ва этнографияи ба номи А.Дониши АИ Ҷумҳурии Тоҷикистон ва Донишгоҳи миллии Тоҷикистон аст.
Шарифзода А.А. муаллифи бештар аз 70 китоб ва зиёда аз 100 мақолаҳои илмӣ ва илмӣ-оммавӣ доир ба проблемаҳои маориф, мактаби олӣ ва таърихи Истиқлолияти давлатии Ҷумҳурии Тоҷикистон, аз ҷумлаи: «Таҳсилоти олӣ дар Тоҷикистон»; «Таҷрибаи таърихии тайёр намудани мутахассисон дар системаи таҳсилоти олии Тоҷикистон»; «Таърихи мактаби олии Тоҷикистон», «Муассисаҳои олии таълимӣ дар Тоҷикистон», «Алоқаҳои байналмилалии муассисаҳои олии таълимии Тоҷикистон», «Маҷлиси Олии (Парламенти) Ҷумҳурии Тоҷикистон» (бо се забон); «Маҷлиси намояндагони Маҷлиси Олии (Парламенти) Ҷумҳурии Тоҷикистон» (бо ду забон), Тоҷикистон-20, Тоҷики оламшумул, Наҷотбахши миллат, Фархундапай ва ғайраҳо мебошад.<ref>[http://wwwkartoteka.presidenttsulbp.tj/taxonomy/term/5/129rk.php?idkz=14 Фонди Котибикитобҳо/Шарфзода матбуоти Президенти Ҷумҳурии ТоҷикистонА.]</ref>
 
Шарифзода А.А. ҳамчунин китобҳои тарҷумаиҳолӣ, солномаҳо, асарҳои таҳлилию таърихӣ доир ба фаъолияти сиёсии Пешвои миллат, Президенти Ҷумҳурии Тоҷикистон Эмомалӣ Раҳмон ва талошу тадбирҳои Сарвари давлат баҳри рушду пешрафти Тоҷикистон таҳия ва нашр намудааст. Силсилакитобҳои «Эмомалӣ Раҳмон наҷотбахши миллат», «Эмомалӣ Раҳмон поягузори сулҳ ва ваҳдати миллӣ», «Эмомалӣ Раҳмон ва оғози марҳалаи созандагӣ», «Эмомалӣ Раҳмон ва соле, ки ба қарнҳо баробар аст», «Эмомалӣ Раҳмон ва соли фарҳанги оламгир», «Эмомалӣ Раҳмон ва соли тамаддуни ориёӣ», ки зери назари академик Талбак Назаров соли 2011 бахшида ба 20-умин солгарди истиқлолияти давлатии Ҷумҳурии Тоҷикистон аз чоп баромадааст, аз ҷумлаи онҳоянд.
Шарифзода А.А дар конференсияҳои илмию амалии байналмилалӣ дар шаҳрҳои Санкт-Петербург (солҳои 1996, 1999, 2000, 2001); Киев (соли 2001); Калининград (2003); ва Душанбе (солҳои 1983 - 2003) доир ба рушду густариши маориф ва таҳсилоти олӣ дар Тоҷикистон ва дар конференсияи байналмилалӣ дар мавзӯъи “Авруоссиё ва Аврупо:ҳамкорӣ ба хотири фарҳанги сулҳ ва рушди инсонӣ” дар шаҳри Париж (соли 2013) доир ба нақши сулҳоварии Пешвои миллат, Президенти Ҷумҳурии Тоҷикистон Эмомалӣ Раҳмон суханронӣ намудааст. Иштирокчии Конференсияи 97-ум ва 101-уми Иттиҳоди Байнипарламентӣ дар Сеул (Кореяи Ҷанубӣ) моҳи апрели соли 1997 ва дар Брюссел (Белгия) моҳи апрели соли 1999 буд.<ref>[http://www.president.tj/taxonomy/term/5/129 Котиби матбуоти Президенти Ҷумҳурии Тоҷикистон]</ref>
Курсҳои кӯтоҳмуддати дуҳафтаинаи Хабаргузории Иттилоотии Бюрои оид ба масъалаҳои маориф ва фарҳанги ИМА дар мавзӯи: «Омӯзиши таҷрибаи кори Конгресси ИМА» дар Вашингтон (ИМА) аз 1 то 15 июни соли 1996, Ташкилоти ҳамкориҳои байналмилалии Ҳукумати Япония дар мавзӯи: «Раванди демократикунонӣ ва парламентаризм» дар Токио ва Киотто (Япония) аз 3 то 16 феврали соли 2002, Ташкилоти байналмилалии оммавии Британияи Кабир дар мавзӯи: «Пешрафти одоб ва стандартҳои касбӣ дар таъминоти ҷамъиятӣ» дар Лондон (Британияи Кабир) аз 11 то 22 ноябри 2002 ва барномаи махсуси Боварӣ ба Ҳукумати Австралияро дар мавзӯи: «Омӯзиши сохтори идораи давлатӣ ва хизмати давлатии Австралия» дар Сидней ва Камберра (Австралия) аз 12 то 25 майи соли 2003 хатм намуда, Сертификат гирифтааст.
 
== Мукофот ==
Барои хизмати намунавии давлатӣ ва фаъолияти босамари ҷамъиятӣ Шарифзода А.А. бо фармонҳои Президенти Тоҷикистон соли 2002 бо мукофоти давлатии «Медали ҷашнии 10-солагии иҷлосияи 16-уми Шӯрои Олии Ҷумҳурии Тоҷикистон» ва соли 2011 бо мукофоти давлатӣ унвони фахрии «[[Корманди шоистаи Тоҷикистон]]» сарфароз гардонида шудааст.

Менюи гаштан