Иморат

Имора́т (аз ар. أمیر‎ — амрдиҳанда, фармондиҳанда, ҳукмраво), Иморат — мулк ё давлат дар мамолики исломии Осиё ва Африка, ичунин мавзеъҳои мусулмоннишини таърихии Аврупо, мас., Иморати Кордова (756—929) ва Иморати Гранада (1228—1492) дар Испания, Иморати Барӣ (847—871) ва Иморати Ситсилия (965—1072) дар Италия, Иморати Тифлис (736—1122), ки амир (ҳокими мутлақи маврусӣ) идора мекард. Сараввал Иморатҳо дар хилофати Араб ба вуҷуд омаданд ва ҳокимонашонро халифа таъйин мекард. Бино ба таълимоти динӣ, ҳокимияти динӣ — Имомат ва ҳокимияти сиёсӣ — Иморат ягона буда, ҷудоӣ надоранд. Яъне халифаҳо — «амир-ал-мӯъминин» (ниг. Амиралмӯъминин) ҳокими ҳамаи мусулмонон мебошанд; 2)Иморат — воҳиди тақсимоти маъмурӣ (вилоят) дар сохтори давлатҳои исломӣ (мас., Имороти Муттаҳидаи Араб, Арабистони Саудӣ).

Иморатҳои таърихӣ

(нопурра)

Кишвар	Пойтахт	Солҳои мавҷудият	эзоҳ
Иморати Албаниё	Двин,Барда	637—885	Тобеи Хилофати Араб
Иморати Дарбанд	Дарбанд	735—1239	Тобеи Хилофати Араб, ба Иморати Арманистон (ал-Арминийа) то соли 885 тобеъ буд
Иморати Тифлис	Тифлис	736—1122	Тобеи Хилофати Араб, ба Иморати Арманистон (ал-Арминийа) то соли 885 тобеъ буд
Иморати Курдоба	Курдоба	756—929	Тобеи Хилофати Араб, дертар ҳамчун Хилофати Курдоба
Иморати Крит	Ираклион	825—961	Тобеи Хилофати Араб
Иморати Бари	Бари	847—871	Тобеи Хилофати Араб
Иморати Ситсилия	Палермо	965—1072
Иморати Гранада	Гранада	1228—1492
Иморати Айдын	Смирна	1308—1425
Иморати Бухоро (хонигарӣ)	Бухоро	1785—1920	Аз соли 1868 тобеи Империяи Русия.
Иморати Афғонистон	Кобул	1823—1929	То соли 1919, сипас шоҳигарӣ.
Иморати Наҷд		1902—1921	Сипас султония.
Иморати Кавкази Шимолӣ	Ведено	1919—1920	Тобеи Имперотурии Усмонӣ.
Иморати Урдун	Уммон	1921—1946	Зери тобеъияти Бритониё.
Иморати Исломии Афғонистон	Кобул	1996—2001	Кишвари қисман эътирофшуда.
Баҳрайн	Манама	1971—2002	Аз соли 2002 шоҳигарӣ.

Нигаред низ

• Имороти Муттаҳидаи Арабӣ

Сарчашма

• Аморат // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.