Ҳукумати Ҷумҳурии Тоҷикистон

Ҳукумати Ҷумҳурии Тоҷикистон
Иттилооти куллӣ
Кишвар	Тоҷикистон
Таърихи таъсис	1991
Сохтор
Дафтари марказӣ	Душанбе, Тоҷикистон
Парвандаҳо дар Викианбор

Ҳукумати Ҷумҳурии Тоҷикистон — мақоми иҷроияи Ҷумҳурии Тоҷикистон буда, бо мақсади таъмини роҳбарии самараноки соҳаҳои иқтисодӣ, иҷтимоӣ, фарҳангӣ ва иҷрои қонунҳо, қарорҳои Маҷлиси Олй, фармону амрҳои Президенти Ҷумҳурии Тоҷикистон ташкил карда мешавад.

Ҳукумат ба низоми мақомоти идораи давлатӣ роҳбарӣ намуда, фаъолият ва мутобиқати ҳамкории онҳоро таъмин мекунад. Мувофиқи Конститутсия Ҳукумати Тоҷикистон аз тарафи Президент дар ҳайати Сарвазир ва дигар аъзои Ҳукумат таъйину озод карда шуда, фармон дар ин хусус ба тасдиқи Маҷлиси Олӣ пешниҳод карда мешавад. Ҳайати Ҳукумат аз сарвазир, муовини якум ва муовинони ӯ, вазирон, раисони кумитаҳои давлатӣ иборат аст. Раиси Ҳукумат Президенти Ҷумҳурии Тоҷикистон буда, сарвари ҳокимият мебошад. У ба фаъолияти Ҳукумат роҳбарӣ намуда, барои ваколатҳоро самаранок амалӣ намудани он тадбирҳо меандешад. Асоси ҳуқуқии фаъолияти Ҳукуматро Конститутсия, Қонуни конститутсионӣ «Дар бораи Ҳукумати Ҷумҳурии Тоҷикистон», дигар қонунҳо, қарорҳои Маҷлиси Олӣ, фармон ва амрҳои Президенти Ҷумҳурии Тоҷикистон ташкил менамояд.

Фаъолияти Ҳукумат

Дар боби панҷуми Конститутсияи (Сарқонуни) Ҷумҳурии Тоҷикистон қоидаҳои умумии фаъолияти Ҳукумати Ҷумҳурии Тоҷикистон навишта шудааст.

Ҳукумати ҷумҳурӣ аз сарвазир, муовини якум ва муовинони ӯ, вазирон, раисони кумитаҳои давлатӣ иборат аст. Ҳукумати ҷумҳурӣ роҳбарии самараноки соҳаҳои иҷктисодӣ, иҷтимоӣ, фарҳангӣ ва иҷрои қонунҳо, қарорҳои якҷояи Маҷлиси Миллӣ ва Маҷлиси Намояндагон, қарорҳои Маҷлиси Миллӣ, қарорҳои Маҷлиси Намояндагон, фармону амрҳои Президенти Ҷумҳурии Тоҷикистонро таъмин мекунад.(Ниг. Боби 5 Конститутсияи (Сарқонуни) Ҷумҳурии Тоҷикистон).

Инчунин нигаред

Ҳайати Ҳукумати Ҷумҳурии Тоҷикистон дар Сомонаи Расмии Президенти Ҷумҳурии Тоҷикистон

Пайвандҳо

• Сомонаи Расмии Президенти Ҷумҳурии Тоҷикистон