Аслӣ Бурҳонов

Аслӣ Бурҳонов – (8 январи соли 1915 - 1998), Ҳунарпешаи театр ва кинои тоҷик. Ҳунарпешаи халқии ҶШС Тоҷикистон(1945). Ҳунарпешаи халқии СССР (1965), дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ(1970) аст.

Зиндагинома

Аз 13 солагиаш дар театрҳои ҳаваскори Бухоро хунарнамои кардааст. Соли 1932 ҳамчун ҳунарпешаи Театри давлатии мусиқӣ-мазҳакавии Бухоро хунарнамой кард, аз 1933 ҳунарпешаи Театри давлатии академии драмавии ба номи А. Лоҳутӣ буд.

Эҷодиёт дар театр

Аслӣ Бурҳонов симоҳои мардони ќавиирода, муборизони роҳи озодӣ, шахсони фидокору дурандешро офаридааст.Б. дорои истеъдоди намоён буда,ролҳои чи фоҷиави ва чи мазҳакавиро табиӣ, бо маҳорат ва таъсирбахш бозидааст. Ролҳои иҷрокардаи Б.Ризо («Мубориза»и А.Усмонов,1933), Фердинанд («Макр ва муҳаббат»-и Ф.Шиллер,1937), Хушвақт («Тўҳмат»-и С.Саидмуродов ва И.Исмоилов,1938),Салим,Сафар(«Калтакдорони сурх»,1941; «Дар оташ»,1944,С.Улуғзода ), Ҳаҷир, Сӯҳроб («Рустам ва Сӯҳроб»-и А. Пирмуҳаммадзода ва В.Волькенштейн,1941-1945), Ҳоҷиваќќос(«Арўсӣ панҷсўма »-и М.Ўдубодӣ,1943), Коба («Хонлар»-и С.Вурѓун,1951), Қорӣ Ишкамба(«Марги судхўри»-и С.Айнӣ,1953), Рӯдакӣ («Рӯдаки»-и С.Улуѓзода,1958). Аслӣ Бурҳонов нахустин иҷрокунандаи роли В.И.Ленин дар саҳнаи тоҷик (пьесаи Н.Погодин , «Одами милтиқдор»,1948). Баътар дар асарҳои саҳнавии «Соли 1919-и фаромӯшнашаванда-и В.Вишневский»(1951),Соати бурҷи Кремль-и Н.Погодин (1960), Тўфон»-и Ғанӣ Абдулло ва Шамсӣ Қиёмов (1957), Ҳуррият ва «Сарбозони инќилоб»-и Ғанӣ Абдулло (1964), Корвони бахт»-и Миршакар (1972) образи В.И.Ленинро офарид. Яго, Меркуцио, Кент, Труфальдино («Отелло »,1948; «Ромео ва Ҷульета»,1947; «Шоҳ Лир»,1957;) «Хизматгори ду хоҷа»,1947) - беҳтарин ролҳои Аслӣ Бурҳонов аз осори драматургияи класикии Ғарб аст. Дар пьесаҳои солҳои охир:»Антигона»-и Софокл (1971),»Дасти дӯст»-и М.Назаров (1974),»Фарёди ишќ»-и Ғанӣ Абдулло (1975) ролҳои асосиро иҷро кардааст. Фаъолияти режиссёриаш низ бой буда, асарҳои зиёдеро ба саҳна гузоштааст.

• Муаллими ишқ-и Мирсаид Миршакар,
• Арӯси панҷсума»-и М.Ўрдубодӣ,
• Гавҳари шабчароғ ва «Рӯдакӣ»-и Сотим Улуғзода,
• Ду веронагӣ-и У.Шекспир ва ѓ).

Филмшиносӣ

Аслӣ Бурҳонов инчунин дар фильмҳои киностудияи “Тоҷикфильм”:

• “Сарҳад дар куҳсор" - Абдурахмон (1953),
• “Дохунда” – Абдулло (1956),
• “Ман бо духтаре вохурдам” – Мухтор ака (1957),
• "Чароғ дар куҳсор" - (1958),
• "Вазифаи баланд" - Ҷӯраев (1958),
• “Одам пусташро иваз мекунад” – Ҳоҷиёров (1959),
• "Вақти зангирии писар расид" - Карим ака (1959),
• "Ҳикояхои хурд дар бораи кӯдаконе, ки…" падари Ёрмат (1961),
• “Зумрад” – (1961),
• "Оромӣ намешавад" - Султонов (1962),
• "Афсонаи шарқи" - !1972),
• "Салом, одами хуб" - Қурбон (1973),
• "Субҳи Ганг" - ясаул-боши (1975),
• “Достони Сиёвуш” – (1976),

ва ғ.-ро бозидааст. Ӯ дар дубляжи бисёр филмҳо иштирок кардааст.

Мукофот

• Ҳунарпешаи халқии ҶШС Тоҷикистон(1945).
• Ҳунарпешаи халқии СССР (1965).
• Ҷоизаи давлатии Тоҷикистон ба номи Абӯабдуллоҳ Рӯдакӣ(1970)
• Ордени Ленин
• 3 ордени диг. ва медал.

Пайвандҳои беруна

• Бурханов Асли Бадриддинович
• Сомонаи Вазорати Фарҳанги Ҷумҳурии Тоҷикистон

Адабиёт

• Народные артисты СССР. В 2-х тт. / Авторы-составители М. В. Музалевский и В. Л. Иванов. — М.: РИЦ «Кавалер», 2007.