Аслӣ Бурҳонов

Аслӣ Бурҳонов
Аслӣ Бурҳонов
Таърихи таваллуд	8 январ 1915(1915-01-08)
Зодгоҳ	Бухоро
Таърихи даргузашт	26 декабр 1998(1998-12-26) (83 сол)
Маҳалли даргузашт	Душанбе, Тоҷикистон
Кишвар	ИҶШС  Тоҷикистон
Пеша	ҳунарпеша, ҳунарпешаи синамо, коргардони театр
Ҷоизаҳо

Аслӣ Бурҳонов — ҳунарпешаи театр ва кинои тоҷик, коргардон, Ҳунарпешаи халқии ҶШС Тоҷикистон(1945). Ҳунарпешаи халқии СССР (1965), дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ(1970) аст.

Зиндагинома

Аз 13-солагиаш дар театрҳои ҳаваскори Бухоро ҳунарнамоӣ кардааст. Соли 1932 ҳамчун ҳунарпешаи Театри давлатии мусиқӣ-мазҳакавии Бухоро ҳунарнамоӣ кард, аз соли 1933 ҳунарпешаи Театри давлатии академии драмавии ба номи А. Лоҳутӣ буд.

Эҷодиёт дар театр

Аслӣ Бурҳонов симоҳои мардони қавиирода, муборизони роҳи озодӣ, шахсони фидокору дурандешро офаридааст. Бурҳонов дорои истеъдоди намоён буда, нақшҳои чи фоҷиавӣ ва чи мазҳакавиро табиӣ, бомаҳорат ва таъсирбахш бозидааст. Нақшҳои иҷрокардаи Бурҳонов — Ризо («Мубориза»и А.Усмонов,1933), Фердинанд («Макр ва муҳаббат»-и Ф.Шиллер,1937), Хушвақт («Тўҳмат»-и С.Саидмуродов ва И.Исмоилов,1938), Салим,Сафар («Калтакдорони сурх»,1941; «Дар оташ»,1944,С.Улуғзода ), Ҳаҷир, Сӯҳроб («Рустам ва Сӯҳроб»-и А. Пирмуҳаммадзода ва В.Волкенштейн,1941-1945), Ҳоҷи («Арўсӣ панҷсўма »-и М.Ўдубодӣ,1943), Коба («Хонлар»-и С.Вурѓун,1951), Қорӣ Ишкамба («Марги судхўри»-и С.Айнӣ,1953), Рӯдакӣ («Рӯдакӣ»-и С.Улуғзода,1958) ва диг. Аслӣ Бурҳонов нахустин иҷрокунандаи нақши В.И.Ленин дар саҳнаи тоҷик (пиесаи Н.Погодин, «Одами милтиқдор»,1948). Баътар дар асарҳои саҳнавии «Соли 1919-и фаромӯшнашаванда-и В.Вишневский»(1951),Соати бурҷи Кремл-и Н.Погодин (1960), Тўфон»-и Ғанӣ Абдулло ва Шамсӣ Қиёмов (1957), Ҳуррият ва «Сарбозони инқилоб»-и Ғанӣ Абдулло (1964), Корвони бахт»-и М. Миршакар (1972) образи В.И.Ленинро офарид. Яго, Меркутсио, Кент, Труфальдино («Отелло »,1948; «Ромео ва Ҷулета»,1947; «Шоҳ Лир»,1957;) «Хизматгори ду хоҷа»,1947) - беҳтарин нақшҳои Аслӣ Бурҳонов аз осори драматургияи класикии Ғарб аст. Дар пиесаҳои солҳои охир:«Антигона»-и Софокл (1971),«Дасти дӯст»-и Меҳрубон Назаров (1974),«Фарёди ишқ»-и Ғанӣ Абдулло (1975) нақшҳои асосиро иҷро кардааст. Фаъолияти коргардониаш низ бой буда, асарҳои зиёдеро ба саҳна гузоштааст.

• Муаллими ишқ-и Мирсаид Миршакар,
• Арӯси панҷсума»-и М.Ўрдубодӣ,
• Гавҳари шабчароғ ва «Рӯдакӣ»-и Сотим Улуғзода,
• Ду веронагӣ-и У.Шекспир ва ѓ).

Филмшиносӣ

Аслӣ Бурҳонов инчунин дар филмҳои киностудияи “Тоҷикфильм”:

• “Сарҳад дар куҳсор" - Абдурахмон (1953),
• “Дохунда” – Абдулло (1956),
• “Ман бо духтаре вохурдам” – Мухтор ака (1957),
• "Чароғ дар кӯҳсор" - (1958),
• "Вазифаи баланд" - Ҷӯраев (1958),
• “Одам пӯсташро иваз мекунад” – Ҳоҷиёров (1959),
• "Вақти зангирии писар расид" - Карим ака (1959),
• "Ҳикояҳои хурд дар бораи кӯдаконе, ки…" падари Ёрмат (1961),
• “Зумрад” – (1961),
• "Оромӣ намешавад" - Султонов (1962),
• "Афсонаи шарқӣ" - !1972),
• "Салом, одами хуб" - Қурбон (1973),
• "Субҳи Ганг" - ясаул-боши (1975),
• “Достони Сиёвуш” – (1976),

ва ғ.-ро бозидааст. Ӯ дар дубляжи бисёр филмҳо иштирок кардааст.

Мукофот

• Ҳунарпешаи халқии ҶШС Тоҷикистон(1945).
• Ҳунарпешаи халқии СССР (1965).
• Ҷоизаи давлатии Тоҷикистон ба номи Абӯабдуллоҳ Рӯдакӣ(1970)
• Ордени Ленин
• 3 ордени диг. ва медал.

Пайвандҳои беруна

• Бурханов Асли Бадриддинович
• Сомонаи Вазорати Фарҳанги Ҷумҳурии Тоҷикистон
• Народные артисты СССР. В 2-х тт. / Авторы-составители М. В. Музалевский и В. Л. Иванов. — М.: РИЦ «Кавалер», 2007.
• Асли Бурхонов , актёры «Таджикфильма»