Виндҳук

Маҳалли аҳолинишин
Виндҳук
Нишон
Кишвар	[[|]]
Роҳбар	Sade Gawanas[d]
Таърих ва ҷуғрофиё
Таъсис	1840
Масоҳат	5 133 000 000 м²
Баландии марказ	1 650 м
Минтақаи замонӣ	UTC+02:00
Аҳолӣ
Аҳолӣ	▲431 000 тан (2020)
Забони расмӣ	инглисӣ
Шиносаҳои ададӣ
Пешшумораи телефон	61
Нишонаи почта	10000, 10005, 10015, 10012
windhoekcc.org.na
Парвандаҳо дар Викианбор

Виндҳук (африкаанс Windhoek) — шаҳр, пойтахти Намибия, маркази маъмурӣ ва фарҳангиву иқтисодии вилояти Кхомас.

Виндҳук дар баландии 1650 м аз с. б., дар маркази Намибия ҷойгир аст. Масоҳаташ 645 км². Аҳолиаш 334,6 ҳазор нафар (2012). Роҳоҳан, роҳҳои мошингард ва фурудгоҳи байналмилалӣ дорад.

Таърих

Виндҳукро соли 1840 доҳӣ (сарвар)-и яке аз қабилаҳо Й. Африкаанер бунёдгузорӣ кардааст. Баъди соли 1861 дар натиҷаи даргириҳои қавмии қабилаҳои нама ва гереро шаҳр комилан хароб гардид. Аз 1884 тобеъи ҳукумати Олмон, аз 1890 маркази маъмурии мустамликаи Олмон дар Африқои Ҷанубу Ғарбӣ буд. Дар солҳои Ҷанги якуми ҷаҳон (1914—1918) аз тарафи лашкариёни Иттиҳоди Африқои Ҷанубӣ истило гардид.

Иқтисод

Дар Виндҳук саноати хӯрокворӣ (шаробпазӣ, маҳсулоти гӯштӣ), васлкунии автомобил, собунпазӣ, дӯзандагӣ, мебелсозӣ тараққӣ кардааст. Маркази савдои чарм (пӯст)-и гӯсфанд аст. Виндҳук калисои ҷомеъ (1910), бинои Парламент (қасри Тинтенпаласт, 1914), Китобхонаи миллӣ (аввали асри 20), Донишкадаи меъморӣ (1952), Донишгоҳи миллии Намибия, Осорхонаи давлатии Намибия, театри миллӣ, боғи ҳайвонот, варзишгоҳи футбол, мамнуъгоҳи Даан-Вилюн, осоишгоҳи Вон-Бач, муолиҷагоҳи дорои обҳои маъдании Гросс-Бармен ва боғи ботаникӣ дорад. Дар канори шаҳр қалъаи бо услуби меъмории готикаи нави олмонии охири асри 19 ва аввали асри 20 бунёдшуда боқӣ мондааст.

Адабиёт

• Виндҳук // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.