Владимир Афанасев

Владимир Афанасев
Афанасев Владимир Алексеевич
Таърихи таваллуд	1913(1913)
Зодгоҳ:	Санкт-Петербург
Таърихи даргузашт	1998
Маҳалли даргузашт	Санкт-Петербург
Мамлакат:	ИҶШС

Афанасев Владимир Алексеевич (5 июли 1913, Санкт-Петербург — 1998) — меъмор-рассом, Ходими хидматнишондодаи санъати ҶШС Тоҷикистон (1964).

Зиндагинома

Хатмкардаи Институти рассомӣ, ҳайкалтарошӣ ва меъмории ба номи И. Е. Репини Ленинград (ҳоло Санкт-Петербург). Соли 1955 ба Душанбе омада, то соли 1966 кор кард. Соли 1965 узви садорати ИМ Тоҷикистон интихоб шуд. Ҳамчун лоиҳакаш ва сардори корхонаи меъмории № 1 Институти давлатии лоиҳакашии «Тоҷикгипрострой» дар шаҳрҳои Тоҷикистон, аз ҷумла Душанбе бисёр лоиҳаҳои аҷибу навоварона таҳия намуд. Аз он ҷумла: аэровокзал, бинои истиқоматии 61-ҳуҷрадор дар хамгашти кӯчаи И. Сомонӣ ва Рӯдакӣ, меҳмонхонаи берунишаҳрӣ (корпуси меҳмонхона дар қароргоҳи Ҳукумати ҶТ), бинои истиқоматии 73-ҳуҷрадор бо мағозаи фурӯши ҷавоҳирот дар ошёнаи якум дар кӯчаи Рӯдакӣ ва ғайра.

Адабиёт

• Афанасев Владимир Алексеевич // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.