Гавҳар Шарофзода

Гавҳар Шарофзода
Шарофзода Гавҳар
Таърихи таваллуд:	23 март 1966(1966-03-23) (59 сол)
Зодгоҳ:	ноҳияи Панҷ, ҶШС Тоҷикистон, ИҶШС
Шаҳрвандӣ:	Тоҷикистон
Таҳсилот:	Донишгоҳи давлатии омӯзгории Тоҷикистон
Дараҷаи илмӣ:	доктори илмҳои филология
Унвонҳои илмӣ:	дотсент
Ҳизб:	Ҳизби халқии демократии Тоҷикистон
Навъи фаъолият:	вакили Маҷлиси намояндагони Маҷлиси Олии Ҷумҳурии Тоҷикистон

Шарофзода Гавҳар (23 марти 1966, ноҳияи Панҷ) — омӯзгор, доктори илмҳои филология, вакили Маҷлиси намояндагони Маҷлиси Олии Ҷумҳурии Тоҷикистон.

Зиндагинома

Шарофзода Гавҳар 23 марти соли 1966 дар ноҳияи Панҷ ба дунё омадааст. Соли 1990 Донишгоҳи давлатии омӯзгории Тоҷикистонро хатм кардааст. Ихтисос: омӯзгор, доктори илмҳои филологӣ, дотсент. Соли 2008 бо «Ифтихорнома»-и Ҷумҳурии Тоҷикистон, соли 2011 бо медали ҷашнии «20-солагии Истиқлолияти давлатии Ҷумҳурии Тоҷикистон» мукофотонида шудааст.

• Солҳои 1985—1990 — Донишҷӯи Донишгоҳи давлатии омӯзгории Тоҷикистон, шаҳри Душанбе.
• Солҳои 1983—1984 — Роҳбари кружоки ҳаваскорон, муаллимаи мактаби миёнаи № 7 ноҳияи Панҷ.
• Солҳои 1984—1985 — Муаллимаи мактаби миёнаи № 1 ноҳияи Панҷ.
• 07-10 соли 1990 — Лаборанти калони кафедраи адабиёти тоҷики Донишгоҳи давлатии омӯзгории Тоҷикистон.
• Солҳои 1990—1993 — Ассистенти кафедраи забони тоҷикии байни факултетҳои Донишгоҳи давлатии омӯзгории Тоҷикистон.
• Солҳои 1993—2001 — Мудири аспирантураи Донишгоҳи давлатии омӯзгории Тоҷикистон.
• Солҳои 2001—2002 — Муовини мудири шуъбаи таълими Донишгоҳи давлатии омӯзгории Тоҷикистон.
• Солҳои 2002—2005 — Сарэксперти шуъбаи аттестатсия, аккредитатсия ва литсензионии мактабҳои олӣ ва коллеҷҳои Идораи аттестатсияи муассисаҳои таълимии назди Вазорати маорифи Ҷумҳурии Тоҷикистон.
• Солҳои 2005—2006 — Мудири шуъбаи забони Вазорати маорифи Ҷумҳурии Тоҷикистон.
• 02-05 соли 2006 — Муовини ректор оид ба корҳои тарбиявии Донишкадаи андоз ва ҳуқуқи Ҷумҳурии Тоҷикистон.
• Солҳои 2006—2009 — Муовини ректор оид ба корҳои ташкилию тарбиявии Донишгоҳи миллии Тоҷикистон.
• Солҳои 2009—2010 — Мудири кафедраи идоракунии захираҳои инсонии Донишкадаи такмили ихтисоси хизматчиёни давлатии Ҷумҳурии Тоҷикистон, шаҳри Душанбе.
• Солҳои 2010—2013 — Ректори Донишкадаи такмили ихтисоси хизматчиёни давлатии Ҷумҳурии Тоҷикистон, шаҳри Душанбе.
• Аз декабри соли 2013 то с. 2020 — Раиси Кумитаи забон ва истилоҳоти назди Ҳукумати Ҷумҳурии Тоҷикистон.

1 марти соли 2020 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст

Мукофот

• «Аълочии маорифи Ҷумҳурии Тоҷикистон» (2001)
• «Ифтихорнома»-и Ҳукумати Ҷумҳурии Тоҷикистон (2008),
• медали ҷашнии «20 –солагии истиқлолияти давлатии Ҷумҳурии Тоҷикистон (2011),
• «Аълочии матбуот»-и Ҷумҳурии Тоҷикистон (2011),
• «Аълочии фарҳанг»-и Ҷумҳурии Тоҷикистон (2016),
• Унвони фахрии «Корманди шоистаи Тоҷикистон» (2017).

Нигаред низ

• Вакили Маҷлиси намояндагони Маҷлиси Олии Ҷумҳурии Тоҷикистон