Гинекомастия
| МКБ-10 | N62. |
|---|---|
| МКБ-9 | 611.1 |
| DiseasesDB | 19601 |
| MedlinePlus | 003165 |
| eMedicine | med/934 |
| MeSH | D006177 |
Гинекомасти́я (аз юн. γῠνή — зан ва μαστός — сина) — калон шудани ғадуди синаи мардҳо.
Гинекомастия дар натиҷаи рушди бофтаҳои ғадуди шир падид омада, ду навъ дорад: физиологӣ ва патологӣ. Гинекомастия и физиологӣ дар давраи балоғат мушоҳида мешавад. Гинекомастияи патологӣ дар натиҷаи ихтилоли мубодилаи эстроген ба вуҷуд меояд. Гинекомастия дар ҳама синну сол пайдо мешавад. Сабаби он бемориҳои тухмдон, мас., гипоплазия, крипторхизм, нақси хоя (бинобар осеб, омос), иллати вазнини ҷигару гурда, баъзан бемории ғадуди сипаршакл ва ғадудҳои болои гурда, амрози хромосомӣ, суистеъмоли доруҳои эстрогенӣ мебошанд. Гинекомастия дар як ё ҳар ду ғадуди шир ба вуҷуд меояд.
Гинекомастияи патологӣ ду навъ аст:
- пароканда
- гиреҳовар
Ҳангоми гинекомастияи пароканда ғадуди шир сахту дардманд мешавад; гинекомастияи гиреҳовар, маъмулан, дар як тараф пайдо гашта, мисли тухм ва бедард аст. Гинекомастия дурӯғин низ мешавад. Сабаби он ҷамъ шудани чарбу дар ғадуди шир аст. Гинекомастияи гиреҳоварро бо ҷарроҳӣ табобат мекунанд. Муолиҷаи гинекомастияи физиологӣ зарурат надорад.
Эзоҳ[вироиш | вироиши манбаъ]
- Улумбеков Э. Г., Челышева Ю. А. Гистология. М., 2001;
- Нейштадт Э. А., Воробьева О. А. Патология молочной железы. СПб., 2003.
Сарчашма[вироиш | вироиши манбаъ]
- Гинекомастия // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.