Граммофон

Мавод аз Википедиа — донишномаи озод
Jump to navigation Jump to search
VictorVPhonograph

Граммофон (юн. grama – ҳарф, сабт ва phone – овоз) – асбобест, барои такроран шунавонидани овоз тавассути қарта. Ҳангоми кори Граммофон нӯги сӯзани он дар ҷӯякҳои печутобдори қартаи даврзананда ҳаракат карда, лапишҳоро ба мембрана мегузаронад ва карнай ин лапишҳои овозиро пурқувват ва паҳн мекунад. Граммофонро бори аввал с. 1888 дар ИМА муҳандиси немис Э. Берлинер сохт. Дар аввал курси граммофонро бо ёрии дастаки дандонадор ба ҳаракат меоварданд: бо ёрии механизми махсус суръати даврзанӣ танзим мешуд. Дертар Э. Берлинер ва Э. Ҷ. Ҷонсон барои танзими суръати чархзанӣ дар Граммофон механизми пружиниро истифода бурданд, ки дар натиҷа мавҷи садо нисбатан суфта гардид. Граммофон (махсусан патефон) то солҳои 40 а. XX маъмул буд. Сифати пасти садодиҳӣ ва тез аз кор баромадани қартаҳо яке аз норасоии граммофон буд. Баъдтар навъҳои мукаммали он (Граммофон – электрӣ ва электрофон) ихтироъ шуданд.[1]

Нигаред[вироиш]

Эзоҳ[вироиш]

  1. Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С.105. – 480 с. ISBN 978-999-47-43-90-2(тоҷ.)