Қудрат Давлатзода
Қудрат Давлатзода | |
|---|---|
| Давлатзода Қудрат Қамбар | |
| Таърихи таваллуд | 5 апрел 1972 (53 сол) |
| Зодгоҳ | ноҳияи Восеъ, вилояти Кӯлоб, ҶШС Тоҷикистон |
| Кишвар |
 Тоҷикистон |
| Фазои илмӣ | иқтисод |
| Ҷойҳои кор | Ректори Донишгоҳи техникии Тоҷикистон ба номи академик М.С. Осимӣ |
| Дараҷаи илмӣ: | доктори илмҳои иқтисод |
| Унвонҳои илмӣ | профессор |
| Алма-матер | Донишкадаи химикию технологии Қазоқистон (1995) |
| Ҷоизаҳо | медали Хизмати шоиста (2020) |
Қудрат Давлатзода (Давлатзода Қудрат Қамбар; тав. 5 апрели 1972, ноҳияи Восеъ, вилояти Кӯлоб, ҶШС Тоҷикистон) — иқтисоддон, олим, доктори илмҳои иқтисод, профессор, арбоби давлатӣ Узви Кумитаи Маҷлиси миллии Маҷлиси Олии Ҷумҳурии Тоҷикистон (даъвати ҳафтум) оид ба иқтисодиёту коммуникатсия.
Зиндагинома
[вироиш | вироиши манбаъ]Қудрат Давлатзода 5 апрели соли 1972 дар ноҳияи Восеъи вилояти Кӯлоб (вилояти Хатлон) дар хонаводаи тоҷик ба дунё омадааст.
Оила
[вироиш | вироиши манбаъ]Оиладор, соҳиби 5 фарзанд.
Корнома
[вироиш | вироиши манбаъ]- Солҳои 1990—1995 — Донишкадаи химикию технологии Қазоқистонро хатм намудааст.
- Солҳои 1995—1998 — ба ҳайси ассистент дар кафедраи комплекси агросаноатии факултети иқтисод ва идораи ДДМТ кору фаъолият намудааст.
- Солҳои 1998—2000 — ба ҳайси аспиранти Донишгоҳи давлатии Воронежи Федератсияи Русия ва аз соли 2000 то 2004 ҳамчун ассистент, муаллими калон, дотсенти кафедраи КАС-и факултети иқтисод ва идора фаъолияташро идома додааст.
- Солҳои 2004—2008 — ходими калони илмии ДМТ ва ҳамзамон докторанти Донишгоҳи давлатии Воронежи ФР.
- Солҳои 2009—2011 — сардори Раёсати рушди соҳаҳои иҷтимоии Вазорати рушди иқтисод ва савдои Ҷумҳурии Тоҷикистон.
- Аз соли 2011 то соли 2012 — сардори Раёсати ҳифзи ҳуқуқи истеъмолкунандагон ва назорати фаъолияти рекламавии Хадамоти зиддиинҳисории назди Ҳукумати Ҷумҳурии Тоҷикистон ва ба ҳайси мудири кафедраи назарияи иқтисодии Донишгоҳи (славянии) Русияву Тоҷикистон кор кардааст.
- Солҳои 2012—2013 — муовини ректори ДМТ оид ба робитаҳои байналмиллӣ
- Аз соли 2013 то 2017 — декани факултети иқтисод ва идораи ДМТ.
- Аз соли 2017 то январи соли 2018 — ректори Донишкадаи молия ва иқтисоди Тоҷикистон.
- Солҳои 2018—2020 — директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон буд.
- Аз 20 ноябри соли 2020 то ҳоло — Ректори Донишгоҳи техникии Тоҷикистон ба номи академик М.С. Осимӣ.
Фаъолияти илмӣ
[вироиш | вироиши манбаъ]Давлатзода Қудрат Қамбар дар рушди соҳаи маориф ва илм, инчунин дар таълиму тарбияи кадрҳои илмӣ саҳми босазо дорад. Бо роҳбарии Қудрат Давлатзода 5 нафар аспирант масъалаҳои муҳими иқтисодиро таҳқиқ намуда, соҳиби унвони номзади илм гардидаанд. Ҳамчунин Қудрат Давлатзода муаллифи 4 монография ва зиёда аз 80 мақолаи илмӣ буда, аъзои Шӯрои диссертатсионии Ҷумҳурии Тоҷикистон ва Федератсияи Русия мебошад[1].
Фаолияти сиёсиву ҷамъиятӣ
[вироиш | вироиши манбаъ]Вакили Маҷлиси вакилони халқи шаҳри Душанбе даъвати ҳафтум, солҳои 2025-2030. Аз 11 апрели соли 2025 - Узви Кумитаи Маҷлиси миллии Маҷлиси Олии Ҷумҳурии Тоҷикистон оид ба иқтисодиёту коммуникатсия.[2].
Эзоҳ
[вироиш | вироиши манбаъ]- ↑ Роҳбарият. standard.tj. 14 феврали 2019 санҷида шуд.
- ↑ Давлатзода Қудрат Қамбар(тоҷ.). www.majmilli.tj. 14 июли 2025 санҷида шуд.