Далер Меҳтоҷов

Далер Миҳтоҷов
Шаҳрвандӣ	Tajikistan
Ҷоизаҳо	Аълочии фарҳанги Ҷумҳурии Тоҷикистон (2016)

Далер Миҳтоҷов (зод. 1976, ноҳияи Хуросон, ҶШС Тоҷикистон) — рассом, тарроҳ, омӯзгори варзида ва рассоми синамо. Аълочии фарҳанги Ҷумҳурии Тоҷикистон (2016).

Зиндагинома

Далер Миҳтоҷов соли 1976 дар ноҳияи Хуросон-и вилояти Хатлон дар оилаи зиёӣ ба дунё омадааст. Таҳсилоти ибтидоиро дар зодгоҳаш гирифтааст.

Таҳсилот

• 1992—2001: Коллеҷи ҷумҳуриявии рассомии ба номи М. Олимов (ихтисоси рассом-ороишгар, хатм бо дипломи аъло).
• 2006: Донишкадаи давлатии ҳунарҳои зебои ба номи М. Турсунзода (ихтисоси рассом-дизайнер, хатм бо дипломи аъло).
• 2015: Донишгоҳи давлатии фарҳанг ва санъати Москва (МГУКИ) — такмили ихтисос.

Фаъолияти ҳунарӣ

Аз соли 2007 Далер Миҳтоҷов дар Коллеҷи ҷумҳуриявии рассомии ба номи М. Олимов ба ҳайси омӯзгори фанни «Тарроҳӣ ва ороишгарӣ» фаъолият мекунад. Ӯ зиёда аз 26 сол таҷрибаи омӯзгорӣ ва эҷодӣ дорад.

Ӯ бо телевизион, театр ва кино ҳамкории пурсамар дошта, муаллифи зиёда аз 50 лоиҳаи ороишии барномаҳои телевизионӣ ва консертҳои давлатӣ мебошад.

Синамо

Ҳамчун рассом-таҳиягар (Production Designer) дар офаридани филмҳои зерин саҳм гузоштааст:

• «Муҷассамаи ишқ» (2003, корг. У. Мирзоширинов);
• «Қиёми рӯз» (2009, корг. Носир Саидов);
• «Умед ба адолат» (2012);
• «Гунҷишки сафед» (2014);
• «Сафари ҳавоӣ» (2015, корг. Д. Раҳматов);
• «Бункер» (2019, корг. Диловар Султонӣ). Филми «Бункер» дар фестивалҳои байналмилалии Сочи (Русия), Экс-ан-Прованс (Фаронса) ва Бангладеш иштирок намудааст.

Намоишгоҳҳо

Асарҳои рассом дар бисёр кишварҳои ҷаҳон, аз ҷумла Туркия, Чин, Узбекистон, Қазоқистон, Россия, Беларус, Украина, Кипр ва Юнон ба намоиш гузошта шудаанд.

Намоишгоҳҳои инфиродӣ:

• 2008 — Аввалин намоиши шахсӣ (Осорхонаи ба номи К. Беҳзод);
• 2009 — Намоиши шахсӣ дар дафтари Швейтсария дар Тоҷикистон;
• 2010 — Намоиши шахсии муштарак (шаҳри Анқара, Туркия);
• 2013 — «Кӯзаҳо чӣ мегӯянд?» (Осорхонаи миллии Тоҷикистон);
• 2016 — «Гулбоғи Хайём» (Осорхонаи миллии Тоҷикистон);
• 2017 — «Сири кӯзаҳо» (Сафоратхонаи Фаронса дар Душанбе);
• 2018 — «Хати сурх» (Меҳмонхонаи «Serena»);
• 2021 — Намоиши вертуалӣ «Роҳи сурх»;
• 2022 — «Гиряи лолаҳо» (Меҳмонхонаи «Serena»).

Лоиҳаҳои муҳим

• Ороиши «Карон» (2013): Лоиҳаи ороишии саҳроӣ дар шаҳри бостонии Карон (Дарвоз).
• EXPO-2019: Ороиши павилони Тоҷикистон дар намоишгоҳи ҷаҳонии ЭКСПО-2019 дар шаҳри Пекин (соҳиби ҷойи 1-ум).
• Қасри Миллат (2024–2025): Таҳия ва офаридани силсилаи 22 асари бузургҳаҷми таърихӣ аз давраи Пешдодиён то замони Истиқлол.
• Театри Миллӣ (2025–2026): Офаридани 3 асари таърихӣ дар мавзӯи «Фарҳанг».

Ҷоизаҳо

• Аълочии фарҳанги Ҷумҳурии Тоҷикистон (2016);
• Ҷойи 1-ум, EXPO-2019 (Пекин, Чин);
• Ҷойи 2-юм, озмуни байналмилалии «Дунё. Қувват. Одам» (Остона, Қазоқистон, 2016);
• Барандаи озмуни «Беҳтарин 100 плакат» (Минск, Беларус, 2018);
• Муаллифи логотипи расмии «2018 — Соли рушди сайёҳӣ ва ҳунарҳои мардумӣ».