Дмитрий Григорович

Дмитрий Григорович
Таърихи таваллуд	25 январи (6 феврали) 1883
Зодгоҳ	Киив, Русияи подшоҳӣ
Таърихи даргузашт	26 июли 1938(1938-07-26) (55 сол)
Маҳалли даргузашт	Маскав, ИҶШС
Кишвар	Русияи подшоҳӣ  ИҶШС
Самти фаъолият	military flight engineer, ихтироъкор, муҳандис, халабон, муҳандис-конструктор, хореограф, рақсанда, aircraft construction
Парвандаҳо дар Викианбор

Дми́трий Па́влович Григоро́вич (25 январи [6 феврали] 1883, Киив — 26 июли 1938, Маскав) — авиаконструктори рус.

Зиндагинома

Хатмкардаи Институти техникаи Киев (1910). Солҳои 1911-12 муҳаррир-ношири маҷаллаи «Вестник воздухоплавания». Аввалин дар Русия «Заврақи паррон»-и М-1-ро соли 1913 ихтироъ кардааст. То соли 1915 чанд намунаи ҳавопаймоҳои обӣ сохтааст (М-5 ҳамчун ҷосуси баҳрӣ дар Флоти ҳарбию баҳрӣ истифода мешуд). Инчунин ҳавопаймои обии М-9-ро, ки бо пулемёт ё тӯп муҷаҳҳаз буд, сохтааст. Соли 1916 ӯ аввалин заврақи ҷангии навъи М-11, ҳавопаймои обии торпедаандоз (1916-17), самолётҳои ҷангии И-2 ва И-2‒бис сохта буд. Г. аз соли 1925 сарварии шуъбаи таҷрибавии самолётсозии баҳриро дар корхонаи «Красный лётчик» ба уҳда гирифт ва дар ин ҷо ҳавопаймои обии М-24, ҳавопаймои ҷосусии баҳрии МР-2, ҳавопаймои ҷосусии кушод РОМ-2-ро ихтироъ кардааст. Соли 1928 ноҳақ ҳабс шуда, соли 1930 озод гардид ва таҳти роҳбарии Н. Н. Поликарпов самолётҳои ҷангии И-5, ИП-1-ро сохтааст (1934). Аз соли 1936 шуъбаи баҳрии Сарраёсати саноати ҳавопаймосозии Кумитаи халқии саноати вазнинро сарварӣ мекард.

Адабиёт

• Григорович Дмитрий Павлович // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.