Донишгоҳи Бонн

Донишгоҳи Бонн
Номи аслӣ	Rheinische Friedrich-Wilhelms-Universität Bonn
Соли таъсисёбӣ	1786 (дарёфти мақоми донишгоҳ) 18.10.1818
Навъ	Донишгоҳи тадқиқотӣ-давлатӣ
Сармояи бомақсад	214,67 млн ​​евро
Ректор	Михаел Ҳох
Донишҷӯён	31 318
Донишҷӯёни хориҷӣ	5285
Мутахассис	1988 кормандон дар бахшҳои фаннӣ ва идорӣ
Докторантура	6769 (аз он 1877 докторантҳои хориҷӣ)
Профессорон	707
Омӯзгорон	5536
Макон	Бонн, Райн-Вестфалени шимолӣ
Нишонии ҳуқуқӣ	Regina-Pacis-Weg 3, 53113 Bonn
Сайт	uni-bonn.de
Парвандаҳо дар Викианбор

Донишгоҳи Бонн (Донишгоҳи райнии Фридрих Вилҳелми Бонн; олмонӣ: Rheinische Friedrich-Wilhelms-Universität Bonn, инчунин Rheinische Friedrich-Wilhelms-Universität zu Bonn) — яке аз бузургтарин донишгоҳҳои Олмон.

Таърих

Соли 1777 дар Бонн Kurkölnische Akademie Bonn таъсис ёфт, ки соли 1784 ба он ҳуқуқҳои донишгоҳӣ дода шуд.

Диплом соли 1850 — сарчашма: Бойгонии давлатӣ дар Познан

Соли 1798 академия аз ҷониби Фаронса, ки ҳокимияти заминҳои Райнро дошт, баста шуд.

Рӯзи 18 октябри 1818 шоҳи Пруссия Фридрих Вилҳелм III дар Бонн, ки пас аз натиҷаҳои Конгресси Венна ба Пруссия ҳамроҳ шуда буд, Донишгоҳи Райнро таъсис дод, ки шашумин донишгоҳ дар Пруссия шуд. Дар шаклгирии донишгоҳ, вазири онвақтаи маорифи Олмон Карл Алтенштайн нақши муҳим бозид.

Дар донишгоҳ католикҳо ва протестантҳо ба таври баробар намояндагӣ мешуданд, ки ин пеш аз ҳама дар вуҷуд доштани ду факултети илоҳиёт таҷассум меёфт. Ҳамчунин дар донишгоҳ факултетҳои тибб, ҳуқуқ ва фалсафа таъсис дода шуданд.

Соли 1827 асосномаи донишгоҳ тасвиб шуд. Баъдҳо донишгоҳ ба таври ғайрирасмӣ бо номи «Донишгоҳи шоҳзодагон» шинохта шуд, зеро бисёре аз фарзандони хонадони Ҳоентсоллернҳо дар ҳамин донишгоҳ таҳсил мекарданд.

Пас аз Ҷанги ҷаҳонии якум маблағгузории давлатӣ ба донишгоҳ коҳиш ёфт ва донишгоҳ маҷбур шуд, ки манбаъҳои дигари маблағгузориро пайдо кунад.

Ошхонаи донишгоҳ (соли 1961)

Соли 1930 асосномаи нави донишгоҳ тасдиқ шуд, ки дар он бандҳое дар бораи худидоракунии донишҷӯён дохил карда шуда буданд.

Пас аз соли 1933 худмухтории донишгоҳ бекор шуд ва донишгоҳ ба вазорати маориф тобеъ гардид. Донишгоҳро мухолифони нозиҳо ва яҳудиён тарк карданд.

Соли 1937 Томас Манн аз унвони доктори фахрии донишгоҳ маҳрум шуд. Биноҳои донишгоҳ дар ҷараёни Ҷанги ҷаҳонии дувум осеби ҷиддӣ диданд, аммо донишгоҳ тавонист аз соли 1945 ба фаъолияти худ идома диҳад.

Пас аз Ҷанги Дуюми Ҷаҳонӣ донишгоҳ фаъолона рушд кард ва ҷойгоҳи худро ба унвони яке аз донишгоҳҳои пешрафтаи Олмон нигоҳ дошт.

Сохтор

Дар ҳоли ҳозир, факултетҳои зер дар сохтори донишгоҳ қарор доранд:

• Факултети тибб;
• Факултети дорусозӣ;
• Факултети зироат;
• Факултети риёзиёт ва улуми табиӣ;
• Факултети ҳуқуқ ва иқтисод;
• Факултети илоҳиёти католикӣ;
• Факултети илоҳиёти протестантӣ;
• Факултети фалсафа.

Илова бар ин, чандин муассисаи пажӯҳишӣ низ дар шумори воҳидҳои ин донишгоҳ дохил мешаванд.

Инчунин нигаред

• Мактаби олии иқтисоди Бонн
• Расадхонаи Ҳоер Лист

Пайвандҳо

• Вебгоҳи расмӣ^[1]