Донишгоҳи давлатии тиббии Хатлон
(ДДТХ) | |
---|---|
Соли таъсисёбӣ | марти 2016 |
Навъ | давлатӣ |
Донишҷӯён | Бештар 2000 |
Донишҷӯёни хориҷӣ | Таҳсил мекунанд |
Омӯзгорон | зиёда аз 100 нафар |
Мавқеъ | Данғара, Тоҷикистон |
Сайт | khatmedun.tj/index.php |
Донишгоҳи давлатии тиббии Хатлон — яке аз донишгоҳҳои таҳсилоти олии касбии Тоҷикистон мебошад. Донишгоҳ дар шаҳри Данғараи вилояти Хатлон воқеъ аст.
Маълумоти мухтасар[вироиш | вироиши манбаъ]
Мақоми донишгоҳ мактаби олии касбӣ буда, дорои иҷозатномаҳои (литсензияҳои) давлатии Вазорати маорифи Тоҷикистон оид ба ҳуқуқи пешбурди фаъолияти таълимӣ дар соҳаи таҳсилоти олии касбӣ ва Шаҳодатнома дар бораи аккредитатсияи давлатӣ мебошад. Далелу арқоми мавҷуда аз он шаҳодат медиҳанд, ки норасоии табибони дорои таҳсилоти олии касбӣ, бахусус дар вилояти Хатлон, ки аҳолиаш ба зиёда аз 3,5 миллион нафар расидааст, яке аз мушкилоти асосии соҳа ба шумор меравад. Пешвои миллат Эмомалӣ Раҳмон дар Паёми имсолаи худ таъкид намуда буд, ки вазъи таъминот бо кадрҳои тиббӣ, хусусан, дар вилояти Хатлон нигаронкунанда аст, зеро ба 10 ҳазор нафар аҳолии вилояти Хатлон 11 табиб рост меояд, ки дар муқоиса бо дигар манотиқи кишварамон нишондиҳандаи паст мебошад.[1] Маҳз норасоӣ ва шумораи аз ҳама ками табибони касбӣ дар вилояти Хатлон боис гардид, ки Муассисаи давлатии таълимии «Донишгоҳи давлатии тиббии Хатлон» таъсис ёбад. Бо дастгирии бевоситаи Пешвои миллат заминаи моддию техникӣ барои фаъолияти Муассисаи давлатии таълимии «Донишгоҳи давлатии тиббии Хатлон» муайяну омода шуда, чанде пеш қабули донишҷӯёни аввалин ба анҷом расид.
Таърих[вироиш | вироиши манбаъ]
Муассисаи давлатии таълимии Донишгоҳи давлатии тиббии Хатлон моҳи марти соли 2016 дар шаҳри Данғараи вилояти Хатлон таъсис ёфтааст. Соли таълимии 2016-2017 дар асоси иҷозатнома соли равон барои қабули 350 нафар ҷой ҷудо гардид, ки аз ин 150 ҷой барои таҳсил тариқи буҷетӣ ва 200 ҷой таври шартномавӣ пешбинӣ шудааст. Аз шумораи умумии довталабон 1146 нафар (70,2 фоиз) аз вилояти Хатлон 188 нафар (11,5 фоиз) аз вилояти Суғд 10 нафар (0,6 фоиз) аз вилояти ВКМБ, 137 нафар (8,4 фоиз) аз ноҳияҳои тобеи ҷумҳурӣ ва 152 нафар (9, 3 фоиз) аз шаҳри Душанбе буданд. Тибқи қарори раёсати донишгоҳ аз 210 холи максималии саволҳои тестӣ, холи гузариш ба имтиҳони дуюм 60 хол ва зиёда аз он муқаррар гардид. Аз 1633 нафар довталаб ба имтиҳон 1540 нафар ё 94, 3 фоиз ҳозир шуданд. Аз шумораи нафарони имтиҳонсупорида 519 нафар (33 фоиз) соҳиби 60 хол ва зиёда аз он гаштанд, ки ба даври дуюм иҷозат дода шуданд.[2]
Факултетҳо[вироиш | вироиши манбаъ]
Дар сохтори донишгоҳ 3 факултет:
- Тиббӣ
- Педиатрӣ
- Дандонпизишкӣ
Декани факултетҳо: Ғафуров Бобомурод Абдуқаҳорович.
муовинони декан: Мардонова Н.М., Холов А.Д., Қурбонзода Д.А., Набиева А.А.
(Шумораи донишҷӯён зиёда аз 2000 нафар)
Маъмурият[вироиш | вироиши манбаъ]
Аз соли 2016 Ректори донишгоҳ, доктори илмҳои тиб, профессор Убайдулло Қурбон мебошад.[3]
Пайвандҳо[вироиш | вироиши манбаъ]
- сомонаи Донишгоҳи давлатии тиббии Хатлон
- Э. Раҳмон.Суханронӣ дар вохӯрӣ бо устодону донишҷӯёни Донишгоҳи давлатии тиббии Тоҷикистон ва кормандони соҳаи тандурустӣ ба муносибати Рӯзи дониш ва оғози соли нави таҳсил Бойгонӣ шудааст 31 май 2019 сол.
Эзоҳ[вироиш | вироиши манбаъ]
- ↑ Таъсиси донишгоҳи тиббии Хатлон(тоҷ.). khatlon-ruznoma.tj. 29 май 2020 санҷида шуд. Баргирифта аз сарчашмаи аввал 30 апрели 2017.
- ↑ ДДТХ. АЗ 1633 ДОВТАЛАБ 350 НАФАР ДОНИШҶӮ ШУДАНД(тоҷ.). sadoimardum.tj. 29 май 2020 санҷида шуд.
- ↑ ДДТХ. Маъмурият. khatmedun.tjlang=tg. 29 май 2020 санҷида шуд. Баргирифта аз сарчашмаи аввал 3 июни 2020.