Замирахон Ӯлмасова

Мавод аз Википедиа — донишномаи озод
Jump to navigation Jump to search
Замирахон Ӯлмасова
Ӯлмасова Замирахон Ҳабибуллоевна
200px
Санаи таваллуд:

5 феврал 1972(1972-02-05) (47 сол)

Зодгоҳ:

Ноҳияи Бобоҷон Ғафуров, вилояти Суғд, ҶШС Тоҷикистон

Мамлакат:

 Тоҷикистон

Фазои илмӣ:

Адабиётшинос

Ҷойҳои кор:

Муассисаи давлатии таълимӣ «Донишгоҳи давлатии Хуҷанд ба номи академик Бобоҷон Ғафуров»

Дараҷаи илмӣ:

Доктори илмҳои филологӣ,(2014)

Унвонҳои илмӣ:

дотсент (2012)

Алма-матер:

Институти давлатии педагогии шаҳри Ленинобод ба номи С. М. Киров (1988-1993), (ҳоло Донишгоҳи давлатии Хуҷанд ба номи академик Бобоҷон Ғафуров)

Ҷоизаҳо:

Аълочии маориф ва илми Тоҷикистон (2018)

Замирахон Ӯлмасова (Ӯлмасова Замирахон Ҳабибуллоевна; 29 майи 1951, ноҳияи Бобоҷон Ғафурови, вилояти Суғд) — адабиётшинос ва мунаққид, номзади илмҳои филологӣ (1998), доктори илмҳои филологӣ (2014), дотсент (2012), Аълочии маориф ва илми Тоҷикистон (2018)

Зиндагинома[вироиш]

Ўлмасова Замирахон Ҳабибуллоевна 5 феврали соли 1972 дар деҳаи Рӯмон, алҳол ҷамоати Ҳайдар Усмони ноҳияи Ғафуров дар оилаи зиёӣ таваллуд шудааст. Таҳсили ибтидоиро дар мактаби таҳсилоти ҳамагонии №16-и ноҳияи Мастчоҳ гирифта, соли 1988 ба факултаи филологияи тоҷики Институти педагогии ба номи С.М. Киров (ҳоло ДДХ ба номи академик Б.Ғафуров) шаҳри Ленинобод (алҳол Хуҷанд) дохил шуда, онро соли 1993 бомуваффақият хатм кардааст. Аз соли 1993 ба сифати муаллимаи кафедраи забонҳои филиали дар Хуҷанд будаи Донишгоҳи давлатии тиббии Тоҷикистон ба номи Абўалӣ ибни Сино фаъолияти меҳнатиашро оғоз кард.Солҳои 1998 – 2000 саромўзгори кафедраи забони муосири форсии факултаи шарқшиносӣ буд. Солҳои 2000 – 2009 ба ҳайси дотсенти кафедраи адабиёти муосири факултаи суханшиносӣ фаъолият бурдааст. Соли 2009 ҳамчун ходими калони илмии ДДХ ба номи академик Б.Ғафуров шинохта шуд. Аз соли 1993 то имрўз дар Донишгоҳи давлатии Хуҷанд ба номи академик Бобоҷон Fафуров ба сифати муаллим, сармуаллим, дотсенти кафедраи адабиёти муосири тоҷик ба корҳои илмӣ-тадқиқӣ машғул мебошад.

Фаъолияти илмӣ[вироиш]

Соли 1998 дар мавзўи «Дузабонӣ ҳамчун муҳимтарин шакли равобити адабиёти тоҷику ўзбек» таҳти раҳбарии доктори илмҳои филологӣ, профессор Атахон Сайфуллоев дар Шӯрои дифои назди ДДХ ба номи академик Бобоҷон Ғафуров рисола барои дарёфти дараҷаи илмии номзади илмҳои филологӣ ҳимоя кардааст. Рисолаи докториаш ба масъалаи насри замони истиқлол бахусус романҳои таърихӣ бахшида шудааст. Соли 2014 дар мавзўи “Консепсияи бадеии шахсият дар романҳои таърихии тоҷикии охири асри ХХ ва аввали ХХI ” рисолаи доктории хешро ҳимоя намудааст. Фаъолияти илмӣ – тадқиқотии Ўлмасова З.Ҳ. доманаи васеъ дошта, ҷанбаҳои мухталифи адабиёти муосирро дар бар мегирад. Аз давраи аввали фаъолияташ ба муҳимтарин масъалаҳои адабиётшиносӣ таваҷҷўҳи хосе карда, дар ин самт як силсила осори илмӣ офарид. Самтҳои аслии тадқиқоти мавсуфро насри бадеъ, ба хусус, жанри романи таърихӣ дар давраи истиқлолияти миллии Тоҷикистон, муҳимтарин проблемаҳои таҳаввули насру назми замони муосир ва таъйини рўзгор, осор ва вижагиҳои нависандагони замони истиқлол дар бар мегирад. Иштироккунандаи конфаронсҳои байналмилалии «Мақоми Абӯмаҳмуди Хуҷандӣ дар рушди илмҳои дақиқ» бахшида ба Соли маориф ва фарҳанги техникӣ (ш.Хуҷанд 21-22 октябри 2010 дар ДДХ ба номи академик Б.Ғафуров); дар конфаронси IV байналмилалии илмӣ- методии «Русский язык как иностранный в современной образовательной и геополитической парадигме» бахшида ба 300- солагии тавлиди М.В. Ломоносов, (ш.Москва, 8-20 ноябри соли 2010 ДДМ ба номи Ломоносов), конфаронси Донишгоҳи давлатии ба номи Навойии Тошкент (ш. Тошкент, 12-14 маи соли 2011), дар конфаронси V байналмилалии илмӣ-методии «Русский язык и культура современной образовательной и геополитической парадигме» (ш.Москва, 23-24 ноябри соли 2014 ДДМ ба номи Ломоносов) ва дар конфаронси илмӣ—назариявии байналмилалӣ зери унвони “Нақш ва аҳамияти осори Абубакр Муҳаммад Закариёи Розӣ дар тамаддуни олами асримиёнагӣ ва муосир” (ш. Қӯрғонтеппа, 19 ноябри соли 2016) мебошад.

Осор[вироиш]

Дотсент Замирахон Ӯлмасова муаллифи зиёда аз 200 асари илмӣ, илмӣ-методӣ ва публитсистӣ мебошад. Мақолаҳояш мунтазам дар маҷаллаву рўзномаҳои Ҷумҳурии Тоҷикистон, Ўзбекистон, Қирғизистон ва Федератсияи Русия чоп мешаванд.

Китобҳо (Монографияҳо)[вироиш]

  1. Назаре ба таърихи дузабонӣ дар адабиёти тоҷик ва ўзбек. – Хуҷанд: Нашриёти Р. Ҷалил, 1998. – 138с.
  2. Ғояҳои ватанхоҳӣ дар эҷодиёти Мирзо Турсунзода. – Хуҷанд: Нашриёти Р. Ҷалил, 2001. – 88с.
  3. Истиқлол ва инкишофи романи таърихӣ. – Хуҷанд: Нури маърифат, 2011.—344с.
  4. Поэтика исторического романа. – Худжанд: Нури маърифат, 2013. –128с.
  5. Исторический роман эпохи независимости. – Худжанд: Ношир, 2016 –288с.
  6. Таърихи адабиёти муосири тоҷик [Раҳнамои таълим] // Хуҷанд: Нури маърифат, 2011.–244 с.–12 ҷ. ч.
  7. Дастури методӣ доир ба таълифи корҳои курсӣ ва дипломӣ // Хуҷанд: Нури маърифат, 2011.–85 с.–3 ҷ. ч.
  8. Муқаддимаи адабиётшиносӣ [Маҷмуаи тестҳо] // Хуҷанд: Нури маърифат, 2016.–56 с.–2,08 ҷ. ч.
  9. Таърихи адабиёти муосири тоҷик [Маҷмуаи тестҳо] // Хуҷанд: Нури маърифат, 2016.–112 с.–4 ҷ. ч.
  10. Таърихи адабиёти хориҷа [Раҳнамои таълим] // Хуҷанд: Нури маърифат, 2018.–178 с.–14 ҷ. ч.
  11. Куллиёт: Бахшида ба 80-солагии Муҳиддин Хоҷазод Маҷмӯаи мақолаҳо, хотирот ва мубоҳисаву аснод / таҳрир ва таҳияи З.Ҳ. Ўлмасова. Ҷ. 6, 2018 – Хуҷанд: Ношир. – 642 с. – 33 ҷ.ч.
  12. Фаррухрисолат: Осорнома ва нақди осори профессор Бароат Ҳоҷибоева /. Гирдоварӣ ва вироиши Дўстматова Ш.В., Ҳамробоев Н.А., Ўлмасова З.Ҳ. – Хуҷанд: Нури маърифат, 2018.–450 с.–26,25 ҷ.ч.

Мукофотҳо ва ҷоизаҳо[вироиш]

Пайвандҳо[вироиш]