Занбақиҳо

Занбақиҳо
Научная классификация
Номи илмӣ
Liliaceae
Викинамудҳо Викианбор

Занбақиҳо (лот. Liliaceae) — оилаи рустаниҳои якпаллагӣ.

Гиёҳи бисёрсолаи пиёзакбех. Пиёзакашон серпулакча. Баргашон яклухти ғафс, бедумча. Гулашон дуҷинса ё якҷинса, актиноморфӣ; косагулашон ҷорӯбакшакл (аз 6 баргча иборат буда, дар ду доира ҷой гирифтааст); гардбаргаашон 6 адад; гинетсей аз 3 мевабаргаи часпида ташаккул ёфтааст. Занбақиҳо ғӯзамева доранд. Дар дунё 9 ҷинс ва 530 намуди занбақиҳо мерӯянд. Онҳо бештар дар Авруосиё, Амрикои Шимолӣ, ҷанубу шарқи Осиё паҳн гардидаанд. Дар Тоҷикистон се намуди занбақиҳо — лола, сич, гули ғоз месабзанд. Баъзе занбақиҳо рустаниҳои ороишӣ (занбақ, лолаи кӯҳӣ, ҳолмон, сунбул) ва доруӣ (савринҷон ва ғ.) мебошанд. Гули занбақиҳо сершаҳд аст. Аз юкка ва зағире, ки дар Зеландияи Нав мерӯяд, нах мегиранд, сарсабил ва сичро дар ғизо истифода мебаранд.

Адабиёт

• Занбақиҳо // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.