Занзибар

Занзибар
Парчам
Кишвар	Танзания
Воҳиди марзию маъмурӣ	Занзибар
Минтақаи замонӣ	UTC+03:00
Мавқеият	Уқёнуси Ҳинд
Шумораи аҳолӣ	1 889 773 тан (23 август 2022)
Баландӣ аз сатҳи баҳр	135 м
Масоҳат	2 460 км²
Парвандаҳо дар Викианбор

Занзибар (савоҳилӣ Funguvisiwa ya Zanzibar, англ. Zanzibar Archipelago) — галаҷазира дар уқёнуси Ҳинд, дар наздикии соҳили шарқии Африқо.

Дар ҳайати Танзания мухторият дорад. Масоҳати умумиаш 2654 км². Аҳолиаш 1,3 млн нафар (2016). Зичии миёнаи аҳолӣ дар 1 км² — 431,2 нафар. Занзибар 75 ҷазира дорад. Ҷазираҳои бузургтаринаш — Унгуҷа ва Пемба. Нуқтаи баландтаринаш 135 м аз с. б. Занзибар ҷазираи паст (баландиаш то 120 м) буда, аз оҳаксангҳои марҷонӣ таркиб ёфтааст, атрофи онро рифҳо печондаанд. Иқлимаш экваторию муссонӣ, гарм ва намнок. Ҳарорати миёнаи январ тақр. 280С, июл — қариб 230С. Боришоти солона 1500—2000 мм. Набототаш аз буттазорҳо иборат аст. Майдони парвариш (плантатсия)-и дарахтони қаранфули гардан ва хурмо мавҷуданд.

Шаҳри калонтарин ва бандариаш — Занзибар (дар ҷазираи Унгуҷа). Стоунтаун (шаҳри сангин) қисми таърихии ҷазираи Занзибар буда, ба рӯйхатти Мероси умумиҷаҳонии ЮНЕСКО дохил карда шудааст. Аз соли 2005 Занзибар дирафш, парламент ва президенти худро дорад.

Адабиёт

• Занзибар // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.