Зардсеби тирамоҳӣ
Зардсеби тирамоҳӣ — як навъ себи маҳаллӣ. Дарахташ миёнақад, ҳирамшакл.
Навдаҳои наваш сабзи қаҳвагун. Баргаш калони нӯгтез. Гулаш сафеди гулобиранг. Мевааш калон (162 г), махрутшакл. Пӯсташ нафис, сабзи зардгун, тарафи офтобрасаш тилоранг. Дилаи мевааш зарди сафедтоб, сершира ва хуштамъ. Дар таркибаш 18 % моддаҳои хушк, 13,7 % қанд, 0,65 % ҷавҳар ва 7,9 мг % (дар 100 г) витамини С мавҷуд аст. Ҳосилашро охирҳои август меғундоранд. Зардсеби тирамоҳиро бештар дар ноҳияҳои Ҳисору Файзобод ва Ваҳдат мепарваранд.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Зардсеби тирамоҳӣ / Ҳ. Назиров // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.
- Назиров Х. Н. Местные сорта яблони Таджикистана. Д., 2011.