Зверев Митрофан Степанович

Зверев Митрофан Степанович
Таърихи таваллуд	3 (16) апрел 1903
Зодгоҳ	Воронеж, Русияи подшоҳӣ
Таърихи даргузашт	17 ноябр 1991(1991-11-17) (88 сол)
Маҳалли даргузашт	Санкт-Петербург, ҶШФСР[d], ИҶШС
Кишвар	Русияи подшоҳӣ  ИҶШС  ҶШФСР (1917—1922)[d]
Фазои илмӣ	ахтаршиносӣ, Астрометрия, ситора ва ситораи мутағйир[d]
Ҷойҳои кор	Донишгоҳи давлатии Маскав Расадхонаи Пулково[d] Донишгоҳи давлатии Санкт-Петербург[d]
Дараҷаи илмӣ:	доктори илмҳои физика ва метематика[d]
Алма-матер	Донишгоҳи давлатии Маскав Консерваторияи давлатии Москва ба номи П.И. Чайковский
Ҷоизаҳо

Зверев Митрофан Степанович (3.4.1903, Воронеж, Русия – 17.11.1991, Пулково, Санкт-Петербург), астрофизики рус, доктори илмҳои физикаву математика (1947), профессор (1948), узви вобастаи АИ ИҶШС (1953).

Зиндагинома

Хатмкардаи Консерваторияи Маскав (1929) ва Донишгоҳи Маскав (1931). Дар Институти давлатии астрономии ба номи П. К. Штернберг ҳамчун ходими калони илмӣ (1931–38), мудири хидмати вақт (1941–45), ноиби директор (1945–51), профессори кафедраи астрометрияи факултаи механика ва математика (1948 –52) кор кардааст. Ноиби директори Расадхонаи Пулково (1951–71), мудири кафедраи астрономияи Донишгоҳи Ленинград (1970) ва ҳамзамон котиби Шӯрои илмии Расадхонаи асосии астрономии АИ ИҶШС (1951–71). Таҳқиқоти илмиаш асосан ба астрометрияи бунёдӣ, хидмати вақт ва омӯзиши ситораҳои тағйирёбанда бахшида шудааст. Солҳои 1932–75 дар мушоҳидаи меридиании ситораҳои барномаи байналмилалӣ дар Маскав, Пулково ва Сантяго (Чили) ширкат варзидааст. Ба гурӯҳи кории лоиҳаи байналмилалии «Зиҷи ситораҳои тира» роҳбарӣ кардааст. Ташкилкунанда ва иштирокчии экспедитсияи астрономӣ оид ба мушоҳидаи ситораҳои Нимкураи ҷанубӣ ва таҳияи чандин зиҷи астрономӣ дар Чили (1962–73). Корҳои зиёди омӯзгорӣ ва илмию оммавӣ анҷом додааст. Зверев Раиси Комиссияи астрометрии Шӯрои астрономии АИ ИҶШС (1951–73), президенти Комиссияи № 8 «Астрономияи позитсионӣ»-и Иттиҳоди байналмилалии астрономӣ (1952–58) буд. Сайёраи хурди № 2323, ки аз ҷониби Н. С. Черних кашф карда шуда буд (1976), ба ифтихори ӯ «Зверев» номгузорӣ шудааст.

Адабиёт

• Зверев Митрофан Степанович / А. Раҳмонов // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.