Зингер

Зингер
идиш: יצחק זינגער‎
Тахаллусҳо	Bashevis, Warszawski ва D. Segal
Таваллуд	14 июл 1904(1904-07-14)[…] Leoncin[d], Gmina Leoncin[d], Nowy Dwór Mazowiecki County[d], Masovian Voivodeship[d], Лаҳистон ё Radzymin[d], Q11825720?
Даргузашт	24 июл 1991(1991-07-24)[…] (87 сол) Surfside[d], Майами-Дейд Коунтри[d], Флорида, Иёлоти Муттаҳидаи Амрико ё Майами, Флорида, Иёлоти Муттаҳидаи Амрико
Шаҳрвандӣ (табаият)	Иёлоти Муттаҳидаи Амрико  Лаҳистон  Русияи подшоҳӣ
Навъи фаъолият	тарҷумон, румоннавис, эсперантист, зиндагиноманавис, рӯзноманигор, нависандаи кӯдакон, филмноманавис, насрнавис, Nobel Prize winner
Солҳои эҷод	1927 — 1991
Забони осор	инглисӣ, Забони эсперанто, идиш ва полякӣ
Ҷоизаҳо	National Book Award[d] (1970) Itzik Manger Prize[d] (1973) Buber-Rosenzweig-Medaille[d] (1981) honorary doctor of Ben-Gurion University[d] honorary doctor of the University of Miami[d] (11 май 1982) National Book Award[d] (1974) Bancarella Literary Prize[d] (1968)
Соядаст
Парвандаҳо дар Викианбор

Зингер (Singer) Исаак Башевис (14.7.1904, Варшава – 24.­7.1991, ш. Маями) — нависанда, мунаққид ва рӯз­но­ма­нигори яҳудии лаҳистонитабори амрикоӣ.

Зиндагинома ва осор

Дар хонаводаи хохом (рӯҳонӣ) ба дунё омад. Муддате дар як мактаби маз­ҳабӣ таҳсил, аммо пас аз чанд моҳ онро тарк кард. Нахус­тин ҳикояи Зингер – «Дар дами пирӣ» соли 1927 дар ма­ҷал­лаи «Авроқи адабӣ» (Варшава), ки ӯ му­саҳҳеҳи он буд, мунташир шуд. Зингер ба забони идиш таълиф ва тарҷума мекард. Осо­ри К. Гамсун, Т. Манн ва Э. Ремарк­ро ба ҳа­мин забон тарҷума кардааст. Нахустин романаш бо номи «Шайтон дар Горай» ба табъ расид, ки дар он рӯзгори замони яҳу­диҳои асри 17 тасвир шудааст. Соли 1935 ба ИМА ҳиҷ­рат кард ва дар он ҷо бо дастгирии бародари бузургаш дар рӯзномаи яҳудии «Форвард» («Ба пеш») ба кор оғоз намуд. Зингер муддати 20 сол дар ин нашрия ахбор, феле­тонҳо ва гузориш­ҳову ҳикояҳои худро бо тахал­лусҳои Варшавӣ, Сегал ва Башевис чоп мекард. Соли 1937 романи ӯ «Гунаҳкори маҳ­давият» ба нашр расид, ки то андозае буҳрони эҷодии нависандаро дар солҳои 1930 бозтоб кардааст. Зингер дар бораи паҳлуҳои мухталифи ҳаёти яҳуди­ёни лаҳистонӣ (аз асри миёна то даврони ҷадид) якчанд роман таълиф кардааст: «Хонаводаи Москат» (1945–48), «Работ» (1967), «Милки арбобӣ» (1969), «Шоша» (1978). Ба вижа романи ӯ «Барда» (1961) миёни хонандагони амрикоӣ маҳбубият пайдо кард. Ин асар аз таърихи му­ҳаббати духтари лаҳис­тонӣ Ванда ва ҷавони талмудшинос Яков, ки тамоми наз­дикону хешони худро дар ҳоди­саи куштори як маҳаллаи яҳудинишин аз тарафи гайда­макҳо (дар асри 17) аз даст дода, бардаи як кишоварзи лаҳистонӣ шудааст, ҳикоят мекунад. Дар маҷмӯаи «Дӯс­ти Кафка ва ҳикояҳои дигар» (1970) шабоҳати осори Зингер бо эҷодиёти нависандаи олмонизабон Ф. Кафка эҳсос карда мешавад. «Ҷодугари Луб­лин» (1960) ва «Душманон, як достони ошиқона» (1972 аз тарафи Аҳмад Пурӣ ба форсӣ тарҷума шуд) аз ки­тоб­ҳои машҳури ӯянд. Дорандаи мукофоти Нобел дар соҳаи адабиёт 1978.

Адабиёт

• Зингер // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.