Зирбоншӯрбо

Зирбоншӯрбо
Шӯрбои тагҷаз, شوربا
Ошпазии миллӣ
Ошпазии тоҷикӣ
Пайдоиш
Кишвари асл	Тоҷикистон
Маҳсулот
Асосӣ	Гӯшти устухондор Пиёз Сабзӣ Шалғам Картошка Об
Иловагӣ	Нахӯд Зираворӣ Кабудӣ
Дигар хӯрокҳо

Зирбоншӯрбо, шӯрбои тагҷаз — як навъ таом. Барои тайёр кардани Зирбоншӯрбо гӯшти гов ё гӯсфандро 30–40-грам­мӣ бурида, дар равғани доғ то сурх шудан мезирбонанд ва ба он бехпиёзи майда резакардаро илова намуда, таф медиҳанд. Баъд сабзию картошка ва помидори поракар­да ё қайлаи помидор андохта, якчанд дақ. бирён мекунанд. Сипас ба болои гӯшту сабзавоти бирёнкарда оби хунук мерезанд ва дар оташи паст меҷӯ­шо­нанд. 10–15 дақ. пеш аз пух­тани шӯрбо ба он му­вофиқи табъ намаку адвиёт илова мекунанд. Шӯр­бои тайёрро ба косаҳо гирифта, ба болояш кабудии майда резакарда мепошанд. Зирбоншӯрборо бо дунба ҳам тайёр мекунанд. Барои ин дунбаро ба шакли чоркун­ҷа майда пора карда, ба дег меандозанд ва то сурх­ча шудани ҷаззаҳо бир­ён ме­кунанд. Баъд ҷаззаҳоро аз дег мегиранд ва шӯрборо бо тарзи дар боло зикршуда ме­пазанд. Маҳсулот барои 5–6 нафар: 600 г гӯшти гӯс­фанд, 50 г равғани рустанӣ ё 75 г дунба, 150 г бехпиёз, 125 г сабзӣ, 160 г помидори тару тоза ё 50 г қайлаи помидор, 600 г картошка, 1 бандча ка­бу­дӣ, мувофиқи табъ намаку адвиёт.

Тарзи омадакунӣ

Равғани поракардаи гӯсфандро каме об мекунанд. Гӯшти лӯнда-лӯнда резашударо дар равған то сурхшавӣ мебирёнанд. Баъд пиёз ва помидори поракардаро андохта, боз 7-10 дақиқа бирён мекунанд. Пеш аз рехтани об, ба дег картошка андохта, онро як-ду маротиба мегардонанд. Пас 2,5 литр об андохта, меҷӯшонанд. То ҷӯшидани об намак, як дона [[қаламфури сурх, шибит ва кашничи резашуда меандозанд. Як-ду дона себи туршро реза карда, ба дег меандозанд (таъми хӯрок беҳтар мешавад). Баъд аз ҷӯшидани об, оташро паст карда, 1 соати дигар мепазанд. Таомро ба косаҳо мекашанд. Ба 500 г гӯшти гӯсфанд ё гов 100 г равғани дунба 500 г картошка, 4 дона помидор ё 2 қошуқ хамираи помидори пухта, 3 дона пиёз, 1 дона қаламфур, 1 бандча шибиту кашнич, барги ғор ва мувофиқи табъ намак лозим аст.

Адабиёт

• Зирбоншӯрбо // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.