Зонд

Зонд
Ном	Soenda, Sonda, Sonda uharteak, Sunda, Sunda-Ailounde, Sundaeyjar, Sundaj Insuloj, Sundajski, Sunda saared, Sundasaaret, Sundos salos, Sundska ostrva, Sundski otoci, Szunda-szigetek, Zond orollari ва Zunda salas
Кишвар	Индонезия
Ҷойгир аст дар назди обанбори	Уқёнуси Ҳинд
Баландӣ аз сатҳи баҳр	4 095 м
Масоҳат	1 700 000 км²

Зонд (аз зунда ё сунда, Sunda – номи қабилаҳои қис­ми ғарбии ҷаз-ҳои Ява) — галаҷазираҳои бузург дар Осиёи Ҷа­нубу Шарқӣ, байни нимҷаз-ҳои Малакка ва Гвинеяи Нав ва уқ-ҳои Ҳинду Ором.

Маълумоти географӣ

Ба ҷаз-ҳои Зонди Калон (ҷаз-ҳои Суматра, Ява, Калимантан, Сулавеси) ва Зонди Хурд (ҷаз-ҳои Бали, Комодо, Ломбок, Ломблен, Сумба, Сумбава, Тимор, Флорес ва ғ.) тақсим мешавад. Масоҳаташ беш аз 1,4 млн км2. Релефаш аз кӯҳу пастиҳо иборат буда, серзилзила аст, вул­кан­ҳои амалкунанда дорад. Иқ­ли­маш эк­ва­торӣ ва субэк­ваторӣ. Масоҳати зиёди Зондро бе­шаҳои эк­ваторӣ фаро гирифтаанд. Зонд конҳои нафт, қалъагӣ, волфрам, мис, руҳ, сурб, манган ва ғ. дорад. Ба ҳудуди Зонд якчанд ҷазираи калон ва ҳазорҳо ҷазираи хурд дохил мешаванд. Дар қисми асосии Зонд (галаҷаз. Малай) Индонезия, дар қис­ми шимолии ҷаз. Калимантан Малайзия, дар қисми ками он давлатҳои Бруней ва Тимори Шар­қӣ ҷойгиранд. Як қис­ми ҷаз. Тимор аз соли 2002 ба ҳай­ати давлати соҳи­бис­тиқлоли Тимори Шарқӣ дохил мешавад. Дар Зонд зуд-зуд сунами рух медиҳад. 60 дарсади ҳу­дуди Зондро ҷангали дарахтони навъи нодири тропикӣ ишғол кардааст. Дар за­минҳои ҷаз-ҳои Зонди Хурд шолӣ, ҷуво­римакка ва зи­роат­ҳои техникӣ кишт карда мешаванд.

Адабиёт

• Зонд // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.